https://innews.az/uploads/news/2026-10/_innews_f7d41c9c8d4e2954f88fc5ffd_o.jpg
Özbəkistanın Xarəzm vilayətində yerləşən qədim Xivə şəhərində “MDB ölkələrində innovativ ekosistemlər və gənclərin liderliyi” mövzusunda forum keçirilib. Forumda Azərbaycanla yanaşı, MDB-yə üzv ölkələrin nümayəndələri də iştirak ediblər.
Tədbir gənclərin innovativ ideyalarının dəstəklənməsi, liderlik potensialının inkişafı və MDB ölkələri arasında əməkdaşlığın möhkəmləndirilməsi baxımından əhəmiyyət daşıyıb.
Forumda Özbəkistandakı Heydər Əliyev adına Azərbaycan Mədəniyyət Mərkəzinin rəhbəri, tarix üzrə fəlsəfə doktoru Akif Marifli “Gənclər – mədəni dialoqun və innovativ gələcəyin qurucuları” mövzusunda çıxış edib. O, gənclərin mədəni dialoqun inkişafında, innovativ gələcəyin qurulmasında və xalq diplomatiyasının möhkəmləndirilməsindəki rolundan bəhs edib. Akif Marifli çıxışında vurğulayıb ki, bu kimi forumlar MDB ölkələrinin gəncləri arasında mədəni və elmi əlaqələrin genişlənməsinə, xalqlar arasında qarşılıqlı anlaşmanın möhkəmlənməsinə və ölkələrarası əməkdaşlığın inkişafına mühüm töhfələr verəcəkdir.
Ümumilikdə, forum MDB ölkələrinin gəncləri arasında əməkdaşlığın genişləndirilməsi, innovativ təşəbbüslərin dəstəklənməsi və qarşılıqlı təcrübə mübadiləsinin təşviqi baxımından əhəmiyyətli platforma olub.
Ən son xəbərləri səhifəmizdən də izləyin
