https://innews.az/uploads/news/2026-11/_innews_2e16883542a68f2c4c02f2484_o.jpg
Milli Məclisin deputatı, YAP İdarə Heyətinin üzvü Elnarə Akimova Hacı Zeynalabdin qəsəbəsində şəhid ailələri ilə görüşüb.
Görüşdə Sumqayıt Şəhər İcra Hakimiyyəti başçısının birinci müavini Teymur Səmədov, şəhər icra başçısının Hacı Zeynalabdin qəsəbəsi üzrə ərazi icra nümayəndəsi Lalə Hacıyeva da iştirak edib. Şəhid ailələri ilə söhbət zamanı onların qayğıları, müraciətləri və gündəlik həyatda qarşılaşdıqları məsələlərlə maraqlanılıb, Vətən uğrunda canlarından keçmiş qəhrəmanlarımızın ailələrinə diqqət və qayğının davamlı olmasının vacibliyi vurğulanıb.
Görüş çərçivəsində şəhidlərin xatirəsinə ucaldılmış abidələr də ziyarət edilib, önünə gül dəstələri qoyularaq qəhrəmanlarımızın əziz xatirəsi ehtiramla yad olunub.
Elnarə Akimova bildirib ki, şəhidlərin xatirəsini yaşatmaq, onların ailələrinə sahib çıxmaq hər birimizin mənəvi borcudur. Şəhid ailələrinə göstərilən diqqət və qayğı yalnız sosial məsuliyyət deyil, həm də Vətənə, dövlətə və milli dəyərlərimizə sədaqətin ifadəsidir.
Deputat qeyd edib ki, Azərbaycanın ərazi bütövlüyü və suverenliyi uğrunda canlarından keçmiş qəhrəmanlarımızın fədakarlığı heç vaxt unudulmayacaq. Onların ailələrinin yanında olmaq, problemlərinin həllinə dəstək göstərmək və bu həssas təbəqənin qayğılarını diqqətdə saxlamaq daim prioritet olmalıdır.
Görüş şəhidlərimizin əziz xatirəsinə ehtiram və onların ailələrinə mənəvi dəstək ifadəsi kimi yadda qalıb.
Allah bütün şəhidlərimizə rəhmət eləsin!
Ən son xəbərləri səhifəmizdən də izləyin
