https://innews.az/uploads/news/2026-11/_innews_d3bb599f5f0d7d87dd93d161d_o.jpg
Ailə Planlanması Məsləhətxanası cəmiyyətdə reproduktiv sağlamlığın qorunması və sağlam xəstəliksiz nəsillərin yetişdirilməsi istiqamətində fəaliyyət göstərir. Təcrübə göstərir ki, vətəndaşlar bu mərkəzə çox vaxt yalnız ciddi bir problemlə qarşılaşdıqda üz tuturlar. Lakin mərkəzin xidmətləri həm profilaktik, həm də müalicəvi xarakter daşıyır.
Məsləhətxanaya aşağıdakı hallarda müraciət etmək mümkündür:
- Nikaha hazırlaşanlar: Evlilikdən öncə potensial genetik və infeksion riskləri müəyyən etmək üçün.
- Hamiləliyə hazırlaşanlar: Sağlam bir körpə dünyaya gətirmək məqsədilə hamiləlikdən bir neçə ay öncə orqanizmi müayinə etdirmək üçün.
- Sonsuzluq problemi olanlar: Uzun müddət övlad sahibi ola bilməyən cütlüklərin müasir metodlarla səbəbləri araşdırması və müalicəsi üçün.
- Qorunma üsulu axtaranlar: Arzuolunmaz hamiləliklərdən fərdi və sağlamlığa ziyan vurmayan üsullarla qorunmaq məqsədilə həkim məsləhəti almaq üçün.
- Keçmişdə problemli hamiləlik yaşayanlar: Əvvəlki hamiləlikləri düşüş, vaxtından əvvəl doğuş və ya digər ağırlaşmalarla nəticələnən anaların yenidən ana olmağa hazırlanması üçün.
Bu müayinələrə vaxtında vaxt ayırmaq gələcəkdə yarana biləcək bir çox xəstəliklərin və fəsadların qarşısını öncədən alır. Mərkəzdə müraciət edən şəxslərin məlumatlarının məxfiliyi tam qorunur.
Qeyd edək ki,Ailə Planlanması Məsləhətxanasına tibbi sığorta ilə bütün vətəndaşlar müraciət edə bilər.
Vüsal
Ən son xəbərləri səhifəmizdən də izləyin
