https://innews.az/uploads/news/2026-11/_innews_0b9ed35e1cb929e28774944bd_o.jpg
Azərbaycanda müxtəlif sahələrdə uğur qazanan şəxslərin, tanınmış simaların, şirkətlərin və qurumların fəaliyyətinin geniş ictimaiyyətə tanıdılmasını hədəfləyən “GƏNCƏVİ” jurnalının təqdimat mərasimi 14 mart 2027-ci il tarixində keçiriləcək.
Jurnalın əsas məqsədi ictimai, siyasi, sosial, iqtisadi, mədəniyyət, təhsil, səhiyyə, idman, incəsənət və digər sahələrdə nümunəvi fəaliyyəti ilə seçilən şəxsləri və təşkilatları geniş auditoriyaya təqdim etməkdir.
Nəşrdə ictimai xadimlər, dövlət qurumlarının və özəl təşkilatların nümayəndələri, iş adamları, sahibkarlar, tanınmış sənət adamları, müğənnilər, idmançılar, media nümayəndələri, eləcə də müxtəlif sahələrdə fəaliyyət göstərən peşəkarlar haqqında yazılar, müsahibələr və təqdimatlar yer alacaq. Eyni zamanda, ictimai və sosial layihələr, fərdi təşəbbüslər, uğurlu fəaliyyət nümunələri və cəmiyyət üçün əhəmiyyətli təşəbbüslər işıqlandırılacaq.
“GƏNCƏVİ” jurnalının yayım və tanıtım imkanları da geniş nəzərdə tutulub. Jurnalda dərc olunan materialların müxtəlif xəbər və informasiya resurslarında yayımlanması, jurnal haqqında televiziya süjetinin hazırlanaraq efirlərə veriləcək.
Bununla yanaşı, jurnal dövlət və özəl qurumlara xüsusi göndəriləcəkdir. Azərbaycanın müxtəlif bölgələrində ödənişsiz şəkildə yayılması nəzərdə tutulur. Təqdimat zamanı nəşr olunan hər bir qurum və iştirakçıya jurnalın bir nüsxəsi və xüsusi mükafat təqdim ediləcək.
Jurnalın fəaliyyət xəttində müxtəlif sahələrdə fərqlənən şəxslərin və qurumların fəaliyyətinin tanıdılması, onların nailiyyətlərinin ictimaiyyətə çatdırılması və uğurlu təşəbbüslərin təşviq edilməsidir.
Qeyd edək ki, “GƏNCƏVİ” jurnalının təsisçisi ictimai xadim, iş adamı Elşən Gəncəvidir.
Ən son xəbərləri səhifəmizdən də izləyin
