https://innews.az/uploads/news/2026-11/_innews_dd91688cb0020c8bd5864a15f_o.jpg
HITMAKER Murad Arif ASAN TV-nin qonağı olub.
"innews media" xəbər verir ki, sənətçi “Vicdan nədir?” sualına maraqlı cavab verib.
O bildirib ki, vicdan insanın heç bir qanunun, dini qaydanın və ya cəzanın olmadığı şəraitdə belə yaxşı olmağı seçməsidir:
“Konstitusiyanın, qanunların və dini kitabların səni idarə etmədiyi mühitlərdə sən yaxşı adam olmağı seçirsənsə, həmin seçim sənin vicdanındır.
İnsanlar bəzən vicdana görə deyil, qorxduqları üçün nələrisə etmirlər. Qanunu pozmurlar, oğurluq etmirlər, aldatmırlar, haradasa yazılmış qadağaları aşmırlar. Bu, çox təhlükəlidir. Deməli, sənin üçün hər hansı kitab olmasaydı, sən bunları edərdin.
Vicdan insan olmaqdan, qanuna tabe olmaqdan, vətəndaş və ya dindar olmaqdan da yüksəkdə dayanır. Bu, mənim gəldiyim gerçəklikdir”.
Ən son xəbərləri səhifəmizdən də izləyin