https://innews.az/uploads/news/2022-12/_innews_27326d18bb9d00cf45c23c10d_o.jpg
Tədbirdə parkinson xəstələrinin müalicə üsulu olan "Parkinson cərrahiyyəsi" haqqında seminar təşkil olunub.
Tədbiri hospitalın qrup koordinatoru Meri İstroti giriş nitqi ilə açıq elan edib. O, tədbirin mahiyyətindən və bu xəstəlik növünün ölkədaxilində müalicəsinin həyata keçirilməsi üçün görüləcək işlərdən danışıb.
Daha sonra hospitalın baş direktoru Taner Özbək çıxış edib. Qonaqları salamlayan direktor yeni tərəfdaşla imzalanma mərasiminin olacağını qonaqların diqqətinə çatdırıb.
Beləliklə, seminar başlamazdan əvvəl "Liv Bona Dea Hospital" və "Boston Scientific Azerbaycan Distribütörü NeuroBio Engineering MMC" arasında əməkdaşlıq üçün imzalanma mərasimi keçirilib.
Hər iki tərəfin əməkdaşları xatirə şəkli çəkdiriblər.
Tədbir seminar çərçivəsində sessiyalarla davam edib.
İlk sessiyada professor dr. Cenk Akbostançı nitq söyləyib.
O, parkinson cərrahiyyəsi üçün əsas tələbləri və əməliyyatin tarixçəsi, həmçinin müasir dövrdə mahiyyəti barədə məlumat verib.
Seminar üç sessiya üzrə davam edib. Sonda tədbir iştirakçıları tərəfindən seminarın mahiyyəti barədə mütəxəssislərə suallar ünvanlanıb.
Tədbirdən sonra beyin cərrahiyyəsi üzrə mütəxəssislər jurnalistlərin suallarını cavablandırıb.
