https://innews.az/uploads/news/2023-01/_innews_b23dd472eb7c0bc8d61bd5765_o.jpg
Meksikanın nüfuzlu ingilisdilli mətbu orqanı olan “Pulse News Mexico” qəzetində tanınmış jurnalist Teresa Marqolisin Azərbaycanda 20 Yanvar faciəsinin qurbanlarının yad edilməsi haqda məqaləsi dərc olunub.
Yazıda 20 Yanvar faciəsinin 33-cü ildönümü ilə əlaqədar Azərbaycanın bu ölkədəki Səfirliyində keçirilmiş anım tədbirində çıxış edən səfir Məmməd Talıbovun sözlərinə istinad edən müəllif, 1990-cı il yanvarın 19-dan 20-nə keçən gecə SSRİ rəhbərliyinin əmri ilə Sovet Ordusu bölmələri və xüsusi təyinatlılar tərəfinfən dinc əhaliyə, o cümlədən uşaqlara, qadınlara və qocalara qarşı törədilən və 150 mülki şəxsin qətlə yetirilməsi, habelə 744 nəfərin ağır yaralanması ilə nəticələnən qətliam barədə məlumat verir. Həmçinin, faciəvi hadisələrdən dərhal sonra 21 yanvar 1990-cı il tarixində, ümummilli lider Heydər Əliyevin Azərbaycanın Moskvadakı Daimi Nümayəndəliyində Azərbaycan xalqı ilə həmrəyliyini nümayiş etdirərək, Azərbaycan xalqına qarşı törədilmiş bu cinayəti kəskin şəkildə pislədiyi, törədilmiş qırğına siyasi və hüquqi qiymət verilməsini, günahkarların cəzalandırılmasını tələb etdiyi, Milli Məclisin 1994-cü ilin fevralında keçirilən xüsusi sessiyasında 1990-cı il yanvarın 20-də günahsız insanların qəddarcasına qətlə yetirilməsinin hərbi təcavüz və cinayət kimi qiymətləndirilərək, 20 Yanvar – Ümumxalq Hüzn Günü elan edildiyi diqqətə çatdırılır.
Sonra Müzəffər Ali Baş Komandanın rəhbərliyi altında rəşadətli Azərbaycan Ordusu tərəfindən 30 il ərzində düşmən işğalı altında qalan ərazilərimizin azad edildiyi, Azərbaycanın ərazi bütövlüyünün bərpa edildiyi qeyd olunur. Azərbaycanın müstəqilliyi, suverenliyi və ərazi bütövlüyünə qarşı addımların bundan sonra da layiqincə cavablandırılacağı vurğulanır.
https://pulsenewsmexico.com/2023/01/23/azerbaijani-envoy-observes-tragic-anniversary/
