https://innews.az/uploads/news/2022-04/_innews_1736e674b500fb67a7b3ad992_o.jpg
Bakı, 6 aprel 2022-ci il – Qazaxıstanın Bakıdakı Səfiri Serjan Abdıkarimov M.F.Axundov adına Azərbaycan Milli Kitabxanasına sonradan Qarabağın kitabxanalarına göndəriləcək kitabların verilməsi mərasimdə iştirak edib.
Ölkənin və regionun ən qədim kitabxanın fonduna 500-dən çox kitabın verilməsi Qazaxıstan Respublikası ilə Azərbaycan Respublikası arasında diplomatik münasibətlərin qurulmasının 30 illiyi çərçivəsində baş tutub.
Ötürülən kitablar arasında tarixi, bədii, elmi və maarifedici kitablar, o cümlədən qazax nəsrin və poeziyanın antologiyası yer tutub. Səfirlik tərəfindən dərc olunan və Azərbaycan dilinə tərcümə olunmuş qazax yazıçıların əsərləri də təqdim olunub: “Qazax xanlığı: başlanğıcı, ənənələri və irsi”, “Alaş Orda” elmi məqalələrin toplusu, “Koblandı Batır” qazax milli-qəhrəmanlıq eposu, N.Məmmədov-Tağısoyun “Muxtar Auezovun yaradıcılığı: ənənədən novatorluğa qədər”, Rollan Seysenbayevin “Dünyanın çökdüyü gün” əsərləri və s.
Diplomat mərasimdə çıxış edərək, vurğulayıb ki, qarşılıqlı kitab mübadiləsi, qazax və Azərbaycan ədəbiyyatı mərkəzlərin açılışı xalqlarımıza və yeni nəsillərə ümumi tarixi, mədəni və dil kökləri, çoxəsrlik dostluğu və mənəvi birliyi haqqında nəşriyyat məhsulları vasitəsilə məlumat verilməsi üçün əla imkandır. Səfir, hədiyyə olunan kitabların iki qardaş xalqların mədəni və təhsil qarşılıqlı zənginləşdirilməsinə və Qarabağda kitabxanaların dirçəlməsinə töhfə verəcəyinə əminliyini ifadə edib.
Milli Kitabxananın Direktoru Kərim Tahirov aksiyaya dəstək verilməsinə görə təşəkkürünü bildirib və qeyd edib ki, ildən ilə daha çox sayda kitab, məqalə, toplu gələcək nəsillər üçün hədiyyə verilir: “Bu kitablar gələcək nəsillər üçün önəmlidir. Təbii ki, Azərbaycan dilində olan qazax yazıçıların kitabları da Qarabağ kitabxanaların kitab fondunu zəngin edəcək”.
Tərəflər ikitərəfli əməkdaşlığın aktual istiqamətləri, təcrübə mübadiləsi və qarşılıqlı informasiya dəstəyinin göstərilməsi məqsədilə qarşıdan gələn tədbirlərlə və kitab sərgilərlə bağlı məsələləri müzakirə ediblər.
