https://innews.az/uploads/news/2023-02/_innews_bc01f0eb1ba791f906620df1b_o.jpg
Xocalı soyqırımı insanlığa sığmayan vəhşi cinayətdir.
innews.media AZƏRTAC-a istinadən bildirir ki, bunu jurnalistlərə açıqlamasında Türkiyənin Azərbaycandakı səfiri Cahit Bağçı söyləyib.
“Bizlər sevinc və kədəri eyni yaşayan millətin övladlarıyıq. 1915-ci il Çanaqqala cəbhəsində və ardınca 1918-ci ildə bolşevik işğalına qarşı Qafqaz İslam Ordusu daxilində bütün Azərbaycan və Qafqaz regionunda sülh və əmin-amanlıq uğrunda çiyin-çiyinə mübarizə apardıq, birgə şəhid olduq. Bu gün şəhidlərimizin qəbirləri Çanaqqalada və Bakıda yan-yana yatır”, - deyə səfir bildirib.
Türk millətinin ən ağır faciələrindən birinin də Xocalı soyqırımı olduğunu vurğulayan Cahit Bağçı deyib: “Qarabağın ermənilər tərəfindən işğalı, qətliamlar və 100 minlərlə qardaşımızın yurd-yuvalarından didərgin düşməsi bizim də kədərimiz olub".
