https://innews.az/uploads/news/2023-04/_innews_0fbda911bf87102fdc240e49f_o.jpg
Türkiyədə işgüzar səfərdə olan Azərbaycan Respublikasının müdafiə nazirinin müavini –Hərbi Hava Qüvvələri Komandanı general-leytenant Ramiz Tahirov, müdafiə nazirinin müavini Aqil Qurbanov “TEKNOFEST-2023” çərçivəsində təşkil edilmiş yüksək texnologiyalar sərgisində iştirak ediblər.
Azərbaycan Respublikası Silahlı Qüvvələrinin Türkiyə Respublikasındakı Hərbi attaşesi polkovnik Müşfiq Məmmədov və Azərbaycan Respublikasının Türkiyə Respublikasındakı Səfirliyinin əməkdaşları tərəfindən müşayiət olunan nümayəndə heyətimiz sərgidə “Roketsan”, “HAVELSAN”, “BAYKAR”, və “ASELSAN” şirkətlərinin rəhbər heyətləri ilə görüşüb, nümayiş etdirilən müasir texnologiya və döyüş texnikası nümunələri ilə tanış olublar. Tədbir çərçivəsində adları çəkilən müdafiə sənayesi şirkətlərinin rəhbər heyətləri ilə görüşlər zamanı hər iki ölkə arasında hərbi-texniki sahədə mövcud əməkdaşlığın gələcəkdə daha da genişləndirilməsi istiqamətində geniş fikir mübadiləsi aparılıb.
Yüksək texnologiyalı məhsulların nümayiş etdirildiyi tədbirdə müdafiə, aerokosmik, dənizçilik və kosmik sənaye sahələrində strateji əhəmiyyətli bir çox məhsullar da təqdim olunub.
