https://innews.az/uploads/news/2023-05/_innews_a044dfcce5e6bcedab9adc5e4_o.jpg
Ulu öndər Heydər Əliyevin anadan olmasının 100 illiyi ilə əlaqədar Azərbaycanın Meksikadakı səfiri Məmməd Talıbov bu ölkənin geniş auditoriyaya malik və çox dinlənən “El Heraldo” və “ Kanyon” radiolarına müsahibələr verib.
Daha sonra, Ümummilli Liderin Azərbaycanın dövlətçiliyi və xalqın tərəqqisi istiqamətindəki müstəsna xidmətləri haqda məlumat verilib, məhz Ulu Öndərin Azərbaycanı xaos və dərin böhrandan çıxardığı, xalqımızın taleyində misilsiz xilaskar missiyasını şərəflə yerinə yetirdiyi bildirilib.
Ulu Öndərin müstəqilliyimizin qorunub saxlanılmasında, dövlətçiliyimizin möhkəmləndirilməsində əvəzsiz rolundan bəhs edilib, onun təşəbbüsü ilə reallaşan dünya miqyaslı iqtisadi layihələri və iqtisadi sahədə aparılan uğurlu islahatlar nəticəsində Azərbaycan iqtisadiyyatının böhrandan qurtulduğu, ölkədə yoxsulluq səviyyəsinin kəskin şəkildə azaldığı bildirilib. Məhz Heydər Əliyevin uzaqgörən siyasəti və vizyonu nəticəsində bugün həyata keçirilən Bakı-Tbilisi-Qars dəmir yolu, Bakı-Tbilisi-Ceyhan neft kəməri, Bakı-Tbilisi-Ərzurum qaz kəmərləri və Cənub Qaz Dəhlizi kimi dünya miqyaslı layihələri sayəsində bu gün Avrasiyanın enerji və nəqliyyat xəritələrinin tamamilə dəyişdiyi, bu sahələrdə qitə miqyasında yeni reallığın yarandı qeyd olunub.
Bu gün Heydər Əliyevin siyasi kursunu davam etdirən Prezident İlham Əliyevin uğurlu siyasəti nəticəsində Azərbaycanın dünyada nüfuzunun gündən-günə artdığı, 2020-ci ildə otuz illik həsrətə son qoyularaq torpaqlarımızın işğaldan azad olunduğu və Vətən Müharibəsində çaldığımız zəfər nəticəsində ərazi bütövlüyümüzün bərpa edildiyi vurğulanıb.
Eyni zamanda, Ulu Öndərin anadan olmasının 100 illiyi ilə əlaqədar Meksikanın nüfuzlu və yeganə ingilisdilli “The Pulse News” qəzetində Azərbaycanın bu ölkədəki səfiri Məmməd Talıbovun “Tarix yaradan Ümummilli Lider” başlıqlı məqaləsi dərc olunub.
https://pulsenewsmexico.com/2023/05/10/80566/?amp
