https://innews.az/uploads/news/2023-06/_innews_167dd6b6416e6c1108481a240_o.jpg
İsveçrənin Cenevrə şəhərində Ümumdünya Meteorologiya Təşkilatı (ÜMT) tərəfindən 19-cu Ümumdünya Meteorologiya Konqresi keçirilir.
Konqresdə iştirak edən ekologiya və təbii sərvətlər nazirinin müavini Umayra Tağıyevanın sözlərinə görə, konqres çərçivəsində argentinalı professor xanım Seleste Saulo ÜMT-nin ilk qadın Baş Katibi təyin edilib. O, 2024-cü il yanvarın 1-dən ÜMT-nin Baş Katibi qismində fəaliyyətə başlayacaq.
“S.Saulo 2014-cü ildən Argentina Milli Meteorologiya Xidmətinin direktorudur və hazırda Ümumdünya Meteorologiya Təşkilatının Birinci vitse-prezidentidir”.
U.Tağıyeva konqresdə ÜMT-nin prezidenti və vitse-prezidenti vəzifələri üzrə seçkilərin keçirildiyini də bildirib.
“Seçkilərin nəticəsinə əsasən ÜMT-nin prezidenti Milli Meteorologiya Mərkəzinin baş direktoru, Birləşmiş Ərəb Əmirliklərinin Daimi Nümayəndəsi və ÜMT-nin Asiya Regional Assosiasiyasının prezidenti Abdulla Al Mandous seçilib”.
Qeyd edək ki, 22 may 2023-cü il tarixində öz işinə başlayan 19-cu Ümumdünya Meteorologiya Konqresi 2 iyun tarixinədək davam edəcək.
