https://innews.az/uploads/news/2023-06/_innews_fc8301b215abaa19bdecdeffd_o.jpg
Qazaxıstanın "FlyArystan" adlı aşağıbüdcəli aviaşirkəti artıq Bakı şəhərindən Astana şəhərinə birbaşa ilk reysini həyata keçirəcək.
innews.media xəbər verir ki, bu aviaşirkət 2018-ci ildə təsis edilmiş və Qazaxıstanın ilk loukoster aviaşirkəti olaraq tanınır.
Heydər Əliyev Beynəlxalq Aeroportunun direktor müavini Elnur Zülfüqarov, Azərbaycanla Qazaxıstan arasında sərnişin aviadaşımalarını dörd şirkətin həyata keçirdiyini bildirib. O, Azərbaycanın əsas hava limanının imkanları və üstünlükləri barədə danışaraq, dünyanın digər aviaşirkətlərini Bakıya birbaşa reyslər açmağa çağırıb.
Zülfüqarovun ifadələrinə görə, yeni aviareys ölkələr arasında iqtisadi, humanitar və ən əsası turizm sahəsində əlaqələrin daha da inkişafına töhfə verəcək.
Qazaxıstanın "FlyArystan" adlı aşağıbüdcəli aviaşirkəti həmçinin Aktaudan da Bakı şəhərinə birbaşa reyslər həyata keçirir. Bilet almaq üçün mobil tətbiq və ya aviaşirkətin rəsmi saytından istifadə etmək mümkündür.
Məlum olduğu kimi, Bakıdan uçan təyyarə Nursultan Nazarbayev Beynəlxalq Hava Limanına eniş edəcək. Uçuşun müddəti 3 saat 20 dəqiqə olacaq.
