https://innews.az/uploads/news/2023-06/_innews_527e02c9857e639709568fa24_o.jpg
İnnovasiya və Rəqəmsal İnkişaf Agentliyinin (İRİA) təşəbbüsü ilə Azərbaycanda səfərdə olan qlobal İKT lideri “Tech Mahindra” şirkəti və “Azercell” arasında görüş keçirilib.
Görüşdə iştirak edən “Tech Mahindra” şirkətinin baş vitse-prezidenti Sandip Phadke, şirkətin Avropa, Böyük Britaniya və İrlandiya üzrə strategiya rəhbəri Şobita Şetti və “Azercell Telekom” MMC-nin prezidenti Zərinə Zeynalova rəqəmsal transformasiya təşəbbüslərini gücləndirə və regionda telekommunikasiya sənayesinin inkişafına töhfə verə biləcək potensial tərəfdaşlıq imkanlarını müzakirə ediblər.
İRİA-nın sədr əvəzi İnarə Vəliyeva və beynəlxalq biznesin inkişafı üzrə rəhbəri Loukas Tzitzis görüşdə agentliyin tərəfdaşlıqları gücləndirərək inkişaf üçün yeni yollar açmaq, texnoloji irəliləyişləri asanlaşdırmaq və bununla da ekosistemdə transformativ təsir yaratmaq səylərindən danışıb.
