https://innews.az/uploads/news/2026-11/_innews_ff289916946ede91ac3addfe5_o.jpg
Azərbaycan milli kiberdavamlılığını gücləndirmək və kibertəhlükələrin qarşısının alınması məqsədilə beynəlxalq əməkdaşlığı genişləndirir.
"innews media" xəbər verir ki, bunu xarici işlər nazirinin müavini Elnur Məmmədov Bakıda keçirilən “Kiberdiplomatiya üzrə II Beynəlxalq Konfrans: Süni intellekt dövründə güc və təsir” mövzusunda tədbirdə çıxışı zamanı bildirib.
O qeyd edib ki, Azərbaycan 2023–2027-ci illər üzrə İnformasiya Təhlükəsizliyi və Kibertəhlükəsizlik Strategiyası çərçivəsində milli kiberdayanıqlığını gücləndirir, həmçinin BMT-nin Kibercinayətkarlığa qarşı Konvensiyasını imzalayan və ratifikasiya edən ilk ölkələr sırasındadır.
Nazir müavini Azərbaycanın BMT-nin İKT təhlükəsizliyi üzrə Açıq Tərkibli İşçi Qrupunda fəal iştirak etdiyini vurğulayıb.
Elnur Məmmədov bildirib ki, süni intellekt mövcud təhdidləri sürətləndirdiyi üçün dövlətlər etimadın qurulmasına, məlumat mübadiləsinə və beynəlxalq əməkdaşlığın gücləndirilməsinə xüsusi diqqət yetirməlidirlər.
Ən son xəbərləri səhifəmizdən də izləyin