logo
Ziyafət Əsgərov: Heç bir dövlət kibertəhdidlərin qarşısını təkbaşına ala bilməz

Ziyafət Əsgərov: Heç bir dövlət kibertəhdidlərin qarşısını təkbaşına ala bilməz

Ziyafət Əsgərov: Heç bir dövlət kibertəhdidlərin qarşısını təkbaşına ala bilməz Ziyafət Əsgərov: Heç bir dövlət kibertəhdidlərin qarşısını təkbaşına ala bilməz

Texnoloji transformasiya dövlətlərin xarici siyasət strategiyalarını və milli təhlükəsizlik yanaşmalarını dəyişir. Süni intellekt və yeni nəsil texnologiyalar qlobal güc balansına da təsir göstərir.

"innews media" xəbər verir ki, bunu Milli Məclis sədrinin müavini Ziyafət Əsgərov Bakıda keçirilən “Kiberdiplomatiya üzrə II Beynəlxalq Konfrans”da çıxışı zamanı deyib.

O bildirib ki, süni intellekt informasiya müharibələri, “deepfake” texnologiyaları və kiberhücumlar kimi yeni təhlükəsizlik çağırışları yaradır. Bu şəraitdə kiberdiplomatiya dövlətlər arasında etimadın gücləndirilməsi və transsərhəd risklərin idarə olunması üçün mühüm vasitəyə çevrilir.

“Texnoloji tərəqqi görünməmiş miqyasda kiberhücumlar, kritik infrastrukturlara yönələn təhdidlər və hibrid müharibə elementlərini də özü ilə gətirir. Bu gün heç bir dövlət kibertəhdidlərin qarşısını təkbaşına ala bilməz. Bunun üçün qarşılıqlı əməkdaşlıq vacibdir”, – deyə Ziyafət Əsgərov vurğulayıb.

O, həmçinin 2024-cü ildə Azərbaycanda keçirilən ilk Kiberdiplomatiya konfransının nəticələrinə toxunaraq, tədbirin Kiberdiplomatiya mərkəzinin – Tvininq mərkəzinin yaradılması təşəbbüsünə təkan verdiyini bildirib. Qeyd edib ki, mərkəz dövlətlər arasında təcrübə mübadiləsi, kiberimkanların artırılması və etimad mexanizmlərinin inkişafı baxımından əhəmiyyətlidir.

footer
Top

Ən son xəbərləri səhifəmizdən də izləyin

innews media