https://innews.az/uploads/news/2023-07/_innews_da490013c78f490df080067cd_o.jpg
“İki il müddətində seçildiyim Azərbaycan Respublikası Daxili İşlər Nazirliyi yanında İctimai Şuranın üzvü kimi fəaliyyət müddətim sona çatır. Yeni tərkib yaxın günlərdə keçiriləcək seçkilərdə müəyyən olunacaq”.
Bu sözləri Daxili İşlər Nazirliyi yanında İctimai Şuranın üzvü Nadir Adilov QHT.az-a açıqlamasında bildirib. O, qeyd edib ki, seçkilər açıq, şəffaf və demokratik mühitdə keçirilib: “İki il müddətində əməkdaşlıq etdiyimiz kolleqalar da təsdiq edə bilər ki, Daxili İşlər Nazirliyi İctimai Şuraya ən yüksək şəraitli ofis təminatından tutmuş bütün şəraiti yaratdı və İctimai Şuranın fəaliyyətinə tam azadlıq, sərbəstlik verdi və fəaliyyətimizə heç bir müdaxilə etmədi. Hörmətli Daxili İşlər Naziri, cənab Vilayət Eyvazov başda olmaqla, Nazirliyin əməkdaşlarına dərin təşəkkür edirəm. Bu seçkilərdə namizədliyini verən hər bir şəxsə uğurlar arzu edirəm”.
Nadir Adilov həmçinin bildirib ki, Mediasiya Şurasının İdarə Heyətinin sədri olaraq Daxili İşlər Nazirliyi ilə çox sıx və səmərəli əməkdaşlıq edirik: “Bu əməkdaşlıq hər zaman davam edəcək. Mediasiya Şurası fəaliyyət göstərdiyi müddətdə Daxili İşlər Naziri, hörmətli Vilayət Eyvazov başda olmaqla, Nazirliyin əməkdaşları fəaliyyətimiz zamanı qarşılaşdığımız bütün problemlərin həllinə xüsusi həssaslıqla yanaşıblar, fəaliyyətimizə dəstək olublar. Nazirlik və İctimai Şura arasında düzgün kommunikasiyanın qurulmasında, dostumuz Elşad Hacıyevin əməyi böyükdür. Yeni seçkilərdə namizədliyini irəli sürən hər kəsə uğurlar arzu edirəm”.
Ən son xəbərləri səhifəmizdən də izləyin
