https://innews.az/uploads/news/2023-08/_innews_8f5beac442c7ff5bb4cd7b134_o.jpg
Prezident İlham Əliyev 22 avqust tarixində Özbəkistan Respublikasının Prezidenti Şavkat Mirziyoyevin Azərbaycana rəsmi səfəri ilə əlaqədar mətbuata bəyanat verib.
Özbəkistan Prezidenti Şavkat Mirziyoyevin ölkəmizə dövlət səfəri xalqlarımızın dostluq münasibətlərinin göstəricisidir. Şavkat Mirziyoyevin Özbəkistan Prezidenti seçilməsindən sonra ilk dövlət səfərinin məhz Azərbaycana etməsi əlamətdar haldır. Sözügedən fakt bizim qardaşlığımızın və dostluğumuzun ifadəsidir.
Görüşlər çərçivəsində qarşılıqlı fəaliyyətimizin möhkəmlənməsi istiqamətində bütün nailiyyətlər ətraflı təhlil edildi, eləcə də bütün sahələrdə - beynəlxalq platformalarda birgə fəaliyyətdən, beynəlxalq təşkilatlarda üzvlük çərçivəsində qarşılıqlı fəaliyyətimizin möhkəmlənməsindən başlayaraq, energetika, nəqliyyat, qarşılıqlı iqtisadi fəaliyyət, humanitar məsələlərədək münasibətlərimizin gələcək inkişaf yolları müəyyən olundu.
İmzalanan sənədlərdən biri Ali Dövlətlərarası Şuranın yaradılması barədə müqavilədir. Bu sənədin imzalanması ölkələrimiz arasında münasibətlərin yüksək səviyyəsinin, qardaşlıq münasibətlərinin, eləcə də gündəliyin kifayət qədər geniş olmasının göstəricisidir. Prezidentlər iki ölkə arasında enerji sahəsində də səmərəli əməkdaşlıq üçün yaxşı perspektivlərin olduğunu vurğulayıblar. Eləcə də, Nəqliyyat-logistika sahəsində yük axınının artmasını və bu istiqamətdə əməkdaşlıq potensialının genişlənməsini müşahidə edilir.
Özbəkistan bir çox parametrlərə görə hazırda Mərkəzi Asiya respublikaları arasında ön sırada dayanır və lider dövlət sayılır. Ölkələrimiz arasında münasibətlərin inkişafında dövlət başçılarının səfərləri heç şübhəsiz ki, xüsusi əhəmiyyət daşıyır. Bu baxımdan, Azərbaycan-Özbəkistan əlaqələrinin yüksək səviyyəyə çatmasında İlham Əliyev və Şavkat Mirziyoyevin qarşılıqlı səfərləri və eləcə də şəxsi münasibətləri həlledici rol oynayır. İki qardaş ölkənin dövlət başçıları tez-tez baş tutan rəsmi səfərlər zamanı və müxtəlif beynəlxalq tədbirlər çərçivəsində reallaşan görüşlərdə ikitərəfli münasibətlərin inkişafı üçün əhəmiyyət kəsb edən aktual məsələləri müzakirə edib, əlaqələrimizi daha da möhkəmləndirirlər.
Fərhad Qurbanov
Dağlıq Şirvan Regional Gənclər və İdman İdarəsinin rəis müavini
Ən son xəbərləri səhifəmizdən də izləyin
