https://innews.az/uploads/news/2022-06/_innews_7f534407a4531b9688023db75_o.jpg
3x3 basketbol üzrə kişilərdən ibarət milli komandamız Kiprin Limassol şəhərində keçirilən Avropa çempionatının seçmə mərhələsində yarım final oyununu keçirib. Lüksemburq basketbolçuları ilə qarşılaşan yığma komandamız oyundan 15-13 hesabı ilə qalib ayrılaraq adını turnirin finalına yazdırıb. Finalda millimiz İrlandiya komandası ilə qarşılaşıb və meydançadan 20-16 hesabı ilə qalib ayrılıb. Bu nəticələrdən sonra yığma komandamız 9-11 sentyabr tarixlərində Avstryanın Qratz şəhərində baş tutacaq Avropa çempionatının final mərhələsinə vəsiqə qazanıb. Qeyd edək ki, millimiz basketbolun 3x3 növü üzrə 2014-cü ildən sonra ikinci dəfə olaraq Avropa çempionatının əsas mərhələsinə yüksəlib.
Ən son xəbərləri səhifəmizdən də izləyin
