https://innews.az/uploads/news/2023-09/_innews_d38ab0ba022e48ac946186a9f_o.jpg
Perunun nüfuzlu 102.7 FM “Radio Filarmonia” kanalında ölkədə keçirilən “Üzeyir Hacıbəyli XV Beynəlxalq Musiqi Festivalı” çərçivəsində musiqi proqramı səsləndirilib.
Dahi bəstəkar Üzeyir Hacıbəyli xatirəsinə həsr olunan və Milli musiqi günü ilə əlaqədar Azərbaycanda keçirilən “Üzeyir Hacıbəyli XV Beynəlxalq Musiqi Festivalı” çərçivəsində 19 sentyabr tarixində Perunun nüfuzlu “Radio Filarmonia” radiosunun 102.7 FM kanalında musiqi proqramı yayımlanıb.
Azərbaycanın müasir peşəkar musiqi sənətinin banisi, görkəmli bəstəkar Ü.Hacıbəyli yaradıcılığının məhsulu olan məşhur “Sənsiz”, “Sevgili canan” romansları, “Koroğlu”, “Arşin mal alan” operalarından uvertüralar, “Aşıqsayağı”, “Cəngi” əsərləri, qızların xor ifası, “Leyli və Məcnun” operasından “Şəbi hicran”, həmçinin Qara Qarayev, Fikrət Əmirov və digər görkəmli bəstəkarların kompozisiyaları səsləndirilib.
