https://innews.az/uploads/news/2023-11/_innews_1228f35ec03fae89eff8d5401_o.jpg
Mediasiya Şurasının nümayəndə heyəti Türkiyə Cumhuriyyətinə ilk rəsmi səfəri çərçivəsində Mediasiya Şurasının İdarə Heyətinin sədri Nadir Adilovun rəhbərlik etdiyi nümayəndə heyəti tərəfindən Ankarada xalqımızın ümummilli lideri, ulu öndər Heydər Əliyevin adını daşıyan park ziyarət edilib, abidəsi önünə əklil qoyularaq xatirəsi ehtiramla yad olunub.
Türkiyə Respublikasının paytaxtı Ankara şəhərində fəaliyyət göstərən Ankara Heydər Əliyev Parkının ümumi ərazisi təxmini 10 000 m², şəhər mərkəzinə uzaqlığı isə 12 km.-dir. Parkın ərazisinə 19,23 m. diametrində giriş meydanının cənubundan daxil olunur. Bu giriş meydanı ulu öndər Heydər Əliyevin doğum ilini simvolizə edir.
Giriş meydanının mərkəzindən tədbirlərin keçirildiyi məkanın sonuna kimi uzanan məsafə 62 metrdir. Ortasından su axan bu yer ümumi olaraq 2, 4 və 12 aralarla qruplaşdırılaraq 18 addım yüksəklikdə olan bir yoldur. 62 rəqəmi təsadüfi seçilməyib: Bu yol Heydər Əliyevin 62 illik aktiv siyasi fəaliyyətini özündə əks etdirməklə, fərqli və maraqlı tərtibata malikdir.
Parkın girişində Prezident İlham Əliyev və birinci vitse prezident Mehriban Əliyevanın əkdikləri Xan çinarı ağacları və bu barədə məlumatın qeyd edildiyi mərmər lövhələr yer alıb. Bu istirahət məkanındakı şərait - mərasim meydanı, idman meydançası, uşaq - əyləncə sahəsi bütün yaş qrupundan olan şəhər sakinlərinin zövqə uyğun istirahət etmələri üçün imkanlar yaradır.
Tədbirlərin keçirildiyi məkanı heykəlin olduğu ərazi ilə kəsişməsində Heydər Əliyevin “Bir millət, iki dövlət” məşhur kəlamı həkk olunub.
Ən son xəbərləri səhifəmizdən də izləyin
