https://innews.az/uploads/news/2024-02/_innews_dbe63656f35e6a236c2037999_o.jpg
İşğaldan azad edilmiş Ağdam rayonunun Sarıcalı kəndində yenidənqurma işləri sürətlə davam edir.
Bu barədə “AzTV Xəbər”in Ağdama ezam olunmuş əməkdaşı birbaşa bağlantıda məlumat verib.
Qeyd edilib ki, işğal dövründə təmas xəttində yerləşən Sarıcalı kəndi minalardan təmizləndikdən sonra tikinti işlərinə başlanılıb. Sözügedən kənddə yaşayış məhəllələrinin salınmasının birinci mərhələsi üçün 50,3 hektar torpaq sahəsi ayrılıb. Bu mərhələdə 895 nəfərin köçürülməsi üçün 211 fərdi ev inşa edilir.
Ümumiyyətlə, Sarıcalı kəndi 1720 nəfər, 425 ailə üçün planlaşdırılır. Layihələndirilən ümumi ərazi 101,9 hektardır.
