https://innews.az/uploads/news/2024-02/_innews_fabad53b4651321818c6a0915_o.jpg
Qazaxıstan Respublikasının Azərbaycandakı Səfirliyində Qazaxıstan-Azərbaycan münasibətlərə, o cümlədən Qazaxıstan tərəfindən daxili və xarici siyasətin əsas aspektlərinə həsr olunan ekspert görüşü keçirilib. Tədbirdə Qazaxıstanın Azərbaycandakı Səfiri Alim Bayel, Azərbaycanın politologiya, beynəlxalq münasibətlər, hüquq, tarix və iqtisadiyyat sahəsində aparıcı ekspertləri, Səfirliyin diplomatları iştirak ediblər.
Görüş zamanı 2022-ci ilin yanvar hadisələrinin ildönümü ilə əlaqədar çəkilən “Kantar. Dövlət çevrilişinə cəhd. Həqiqi hadisələr” adlı sənədli filmin nümayişi baş tutub. Filmin nümayişindən sonra Alim Bayel həmin günlərin mürəkkəbliyi haqqında söz açıb və Yanvar hadisələrinin müstəqil Qazaxıstanın bir dövrünə yekun vurduğunu və ölkə inkişafında yeni dövrə yol açdığını qeyd edib. Səfir həmçinin Prezident Kasım-Jomart Tokayevin Egemen Qazaqstan qəzetində bu yaxınlarda dərc olunduğu müsahibənin bəzi aspektləri üzərində dayanıb.
Beynəlxalq Münasibətlərin Təhlili Mərkəzinin (BMTM) Sədri Fərid Şəfiyev filmin məlumatlarla zəngin olmasını qiymətləndirərək, Qazaxıstan rəhbərliyi tərəfindən dövlət çevrilişinə cəhdin qarşısı alınması üçün atdığı siyasi nöqteyi-nəzərdən məntiqli və effektiv addımları qeyd edib. F. Şəfiyev vurğulayıb ki, Azərbaycan da bu cür hadisələri 90-cı illərdə yaşayıb. Politiloq Türk dövlətləri arasında inteqrasiya prosesləri çərçivəsində təhlükəsizliyin möhkəmləndirilməsi məsələsində əməkdaşlığın inkişafının önəmi ilə bağlı öz fikirləri səsləndirib.
“Cənubi Qafqaz” Politoloqlar Klubunun rəhbəri İlqar Vəlizadə də həmin günlərdə qəbul olunan qərarların misilsizliyini və effektivliyini qeyd edib. “Qazaxıstanın indiki hakimiyyəti bir neçə gün içində öz effektivliyini təsdiq edib. Əgər ölkə hakimiyyəti gücsüz olsaydı, vəziyyət başqa ssenari üzrə inkişaf edərdi”, - deyə, ekspert qeyd edib.
İştirakçılar regional gündəm və iki ölkə arasında iqtisadi, nəqliyyat-logistika, energetika və mədəni-humanitar əməkdaşlığı sahəsində məsələlər ətrafında fikir mübadiləsi aparıblar.
Xüsusilə, A. Bayel qeyd edib ki, Qazaxıstan və Azərbaycan qeyri-stabil geosiyasi vəziyyətdə Transxəzər Beynəlxalq Nəqliyyat Marşrutu (TBNM), Xəzər dənizinin dibi ilə fiber-optik rabitə xəttinin (FORX) çəkilməsi, Qazaxıstan neftinin Azərbaycan ərazisi üzərindən ixracı kimi regional əhəmiyyətli layihələri həyata keçirdirlər. Diplomat Mərkəzi Asiyadan Azərbaycan vasitəsilə Avropaya elektrik enerjisinin tranzitinin perspektivlərinin müzakirəsinin intensivləşməsinə diqqət çəkib. Qazaxıstanlı diplomat Qazaxıstanın ötən və cari ildə keçirilən əhəmiyyətli beynəlxalq tədbirlərindən də danışıb. Qazaxıstan Prezidentinin İtaliya, Fransa, Almaniya, Çin, Rusiya və digər bu kimi ölkələrin liderləri ilə ikitərəfli görüşləri Qazaxıstanın dünya arenasındakı rolunu və iri dövlətlərin bizim ölkəyə olan etimadını göstərir. Bundan başqa A. Bayel dünya ictimaiyyətinin Mərkəzi Asiyaya olan yüksək diqqəti üzərində dayanıb və C5+1 formatında zirvə görüşlərinin intensivləşməsini vurğulayıb.
Tarix Mərkəzinin direktoru Rizvan Hüseynov bu il Cuçi Ulusunun 800 illiyinin qeyd olunmasına xüsusi diqqət yetirib. Tarixçi qeyd edib ki, həmin dövrdə əsası qoyulmuş dövlətçilik ənənələri bu gün də bizim ölkələrimizin həyatında öz əksini tapdığına görə bu mövzu Avrasiya regionunun bütün dövlətləri üçün eyni dərəcədə maraqlıdır. Ekspertlər razılaşıblar ki, bu cür təşəbbüslər sayəsində Qazaxıstan nəinki öz keçmişinə hörmətlə yanaşır, eyni zamanda dövlətçiliyinin Qızıl Orda kimi tarixi dövlət qurumları ilə varisliyini düzgün şəkildə vurğulayır.
Türk dünyasında inteqrasiya proseslərin müzakirəsi çərçivəsində ekspertlər humanitar, o cümlədən təhsil sahəsində əlaqələrin artırılmasının, regionumuz üçün ənənəvi olan dəyərlərə sahib olan vətəndaş cəmiyyətinin formalaşdırılmasının, qeyri-hökumət təşkilatları arasında qarşılıqlı fəaliyyətinin vacibliyi haqqında söz açıblar. Bu kontekstdə Cənubi Qafqaz Araşdırmalar Mərkəzinin direktoru Fərhad Məmmədov Qazaxıstanın Türk Dövlətləri Təşkilatında sədrliyi üçün seçdiyi "TURKTIME!" şüarını bəyəndiyini qeyd edib. Şüarın hər bir hərfi əməkdaşlıq müstəvisini bildirir.
Görüşün sonunda A. Bayel fəal iştirak üçün ekspertlərə təşəkkür edib və gələcəkdə faydalı əməkdaşlığın mövcud olmasına əminliyini bildirib.
