Volkanovski titulunu nokautla qoruyub

Birləşmiş Ərəb Əmirliklərinin paytaxtı Əbu-Dabidə təşkil olunan UFC 333 turniri başa çatıb.

Gecənin əsas qarşılaşmasında avstraliyalı Aleksandr Volkanovski ilə rusiyalı Movsar Evloyev qüvvələrini sınayıblar.

Ən yüngül çəki dərəcəsində çempionluq kəməri uğrunda keçirilən döyüş ikinci raundda yekunlaşıb. Volkanovski rəqibini nokauta göndərərək titulunu qoruyub.

Beləliklə, 38 yaşlı avstraliyalı döyüşçü peşəkar MMA karyerasında qələbələrinin sayını 29-a çatdırıb.

Xatırladaq ki, Evloyev bu görüşədək keçirdiyi 20 döyüşün hər birində qalib gəlmişdi. Volkanovskiyə məğlubiyyət rusiyalı idmançının peşəkar karyerasında ilk olub.