"“Barselona”nın təmsil etdiyi dəyərləri meydanda əks etdiririk"

“Sabah”ın UEFA Çempionlar Liqasında rəqib olan “Barselona” İspaniya çempionatının 10-cu turunda “Real”ı qəbul edəcək.

Kataloniya təmsilçisinin yarımmüdafiəçisi Fermin Lopes qarşıdakı “el klasiko” ilə bağlı fikirlərini bölüşüb:

“Biz qalib gəlirik, əla oyun göstəririk və “Barselona”nın təmsil etdiyi dəyərləri meydanda əks etdiririk. Rəqibin hazırkı vəziyyətindən asılı olmayaraq, hər iki komandanın qələbə qazanmaq şansı var. Öz oyunumuz üzərində cəmləşməli, emosiyalarımızı idarə etməli və detallara diqqət yetirməliyik”.

“Barselona” – “Real” qarşılaşması oktyabrın 25-də “Kamp Nou”da keçiriləcək. Oyunun start fiti saat 00:00-da səslənəcək.