https://innews.az/uploads/news/2024-02/_innews_1652b989767be59c2b1389401_o.jpg
16 fevral 2024-cü il tarixində Qazaxıstanın Azərbaycandakı Səfirliyinin iştirakı ilə “Kaspi” beynəlxalq məktəbində dünya mədəniyyətlərinə həsr olunan tədbir təşkil olunub.
Tədbirin əvvəlində ənənəvi parad keçirilib və məktəbin şagirdləri bir birini salamlayaraq, müxtəlif ölkələrin, o cümlədən Qazaxıstanın, Türkiyənin, Amerikanın, İngiltərənin, Rusiyanın, Ukraynanın, Kanadanın, Fransanın, Misirin, Yaponiyanın, CAR-ın və digər dövlətlərin milli geyimlərini təqdim ediblər.
Tədbirin əsas hissəsi tədris kabinetlərində keçib. Orada tematik sərgilər təşkil olunub, şagirdlər isə dünya ölkələrin mədəniyyəti və ənənələri haqqında prezentasiyalar göstəriblər.
Tədbir iştirakçılarını qazax dilində salamlayaraq, birinci sinif şagirdləri qonaqlara Qazaxıstanın milli ənənələri və görməli yerləri haqqında məlumat veriblər, Qazaxıstan haqqında videoçarx göstəriblər və “Qara Jorğa” qazax milli rəqsi nümayiş etdiriblər.
Tədbir çərçivəsində Astana şəhəri 26 saylı məktəb-gimnaziya ilə video zəng də təşkil olunub. Qazaxıstanlı şagirdlər Azərbaycandan olan uşaqları salamlayıblar və onlar üçün qazax küyü ifa ediblər.
