https://innews.az/uploads/news/2024-02/_innews_10ef68062aa8373b94303f181_o.jpg
Bu gün Hüquqi Təhlil və Araşdırmalar İctimai Birliyi tərəfindən, Bakıda yerləşən Merkuriy Hotelində “Media materiallarında uşaq hüquqlarının pozulması halları” ilə bağlı müzakirə keçirildi. Ailə, Qadın və Uşaq Məsələləri üzrə Dövlət Komitəsinin nümayəndəsinin, Mediasiya Şurasının və yerli QHT-lərin iştirakı ilə keçirilən görüşdə Ramil İskəndərli “Media materiallarında uşaqların zərərli informasiyadan qorunması” mövzusunda təqdimatla çıxış etmişdir.
Təqdimatda media materiallarında uşaqların şəxsi və ailə həyatının məxfiliyinin qorunması, yerli qanunvercilik və beynəlxalq təcrübə (BMT və Avropa İnsan Hüquqları Məhkəməsi təcrübəsi) barədə məlumat vermişdir.
Ailə, Qadın və Uşaq Məsələləri üzrə Dövlət Komitəsinin nümayəndəsi Könül Tağızadə, uşaqların zərərli informasiyadan qorunması, uşaq mövzularının mediada işıqlandırılması məsələləri ilə bağlı təmsil etdiyi Komitənin gördüyü işlər barədə məlumat verdi. Komitənin nəşr etdiyi “Qadın və uşaq mövzularının mediada işıqlandırılması prinsipləri” adlı kitabça və digər mövzu üzrə tədqiqatları və nəşrləri barədə geniş məlumat verdi. Nəşrlər iştirakçılara paylanıldı.
Tədbirdə eyni zamanda yerli QHT-lər tərəfindən uşaqların zərəli informasiyadan qorunması və digər uşaq hüquqları məsələləri barədə geniş fikir mübadiləsi aparıldı və təkliflər verildi. Qeyd olundu ki, müxtəlif mövzuya aidiyyatı olan mərkəzi icra orqanları yanında fəaliyyət göstərən İctimai Şuralar bu məsələdə rolu artırılmalıdır.
2023-cü il noyabr ayından etibarən Avropa İttifaqının maliyyə dəstəyi ilə BMT-nin İnkişaf Proqramının həyata keçirdiyi "Azərbaycanda innovasiya əsaslı və dayanıqlı vətəndaş cəmiyyətinin inkişafı" layihəsi çərçivəsində "Hüquqi Təhlil və Araşdırmalar" İctimai Birliyi tərəfindən "Azərbaycanda Yuvenal Ədliyyə Sistemində İslahatlara Vətəndaş Cəmiyyətinin Dəstəyi" təşəbbüsü həyata keçirilməkdədir.
Ən son xəbərləri səhifəmizdən də izləyin
