https://innews.az/uploads/news/2024-03/_innews_8be3388d9f096b6c1e003ad27_o.jpg
2-3 Mart tarixlərində, Bakı İdman Sarayında Naxçıvan Dövlət Universiteti və Robotex Türkiyənin birgə təşkilatçılığı, Azərbaycan Respublikasının Elm və Təhsil Nazirliyi, Azərbaycan Respublikasının İnnovasiya və Rəqəmsal İnkişaf Agentliyi, Azercellin və Global Olympiad Center dəstəyi ilə “Robotex Azərbaycan Avrasiya Çempionatı”, keçiriləcək. Bu yarış, regionun ən parlaq zəkalı gənclərini təhsil və texnologiya sahəsində bir araya gətirir, onlara bilik və bacarıqlarını beynəlxalq səviyyədə sınamaq və nümayiş etdirmək imkanı verir.
Qeyd edək ķi, tədbirdə Naxçıvan Dövlət Universiteti Robotex Azərbaycanın təmsilçisi qismində iştirak edəcək. Eyni zamanda tədbirdə Robotex Azərbaycanın təqdimatı keçiriləcək.
Bakıda təşkil olunan Robotex Azərbaycan Avrasiya Çempionatında 6 univeristet, 41 məktəb, 10 özəl müəssisədən 250-dən çox komanda, 1500-dən çox iştirakçı, 5000-dən çox qonaq iştirak edəcək. Komandalar 18 kateqoriyada 4 yaş qrupunda (ibitidai, orta, yuxarı siniflər və univeristet tələbələri olmaqla) yarışaraq qaliblərin adını müəyyən edəcəklər. Hər kateqoriyada ilk 3 yeri qazanan komandalar ölkəmizi Antalyada təşkil olunacaq yarımfinal mərhələsində təmsil edəcəklər. Komandalardan ən yaxşı nəticəni göstərən 4-5-ci yerin sahibləri juri heyətindən xüsusi fərqlənmə almaqla yarımfinalda iştirak edə biləcəklər. Qeyd edək ki, 18 ölkənin iştirakı ilə Antalyada olacaq yarımfinal mərhələsində dərəcə göstərən komandalar noyabr ayında Estoniyada təşkil ediləcək dünya çempionatında iştirak haqqı qazanacaqlar.
Bakıda təşkil olunacaq Robotex Azərbaycan Avrasiya Çempionatında dərəcə göstərən komandalara kubok və sertifikatlar təqdim olunacaq. Startap üzrə yarışa qatılan komandalar isə xüsusi üstünlüklər veriləcək. Belə ki, Türkiyə texnoparklarında şirkətlərini qurma, Türkiyə dövlətidən maliyyə yardımı ala biləcəklər. Eyni zamanda bu yarışda əldə ediləcək sertifikatlar gələcəkdə tanınmış dünya univeristetlərində təhsil almaq arzusunda olan şagirdlərin təqaüd ilə təhsil almasında eyni zamanda qəbul alma şanası artıracaqdır.
Tədbirdə, Naxçıvan Dövlət Universitetinin rektoru Elbrus İsayev, Türkiyə Respublikasının Azərbaycandakı Fövqəladə və Səlahiyyətli səfiri cənab Cahit Bağcı, Azərbaycan Respublikası Elm və Ali Təhsil üzrə Dövlət Agentliyinin direktoru Ülkər xanım Səttarova, Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov, Azercell CEO-sunun baş müşaviri Okan Çimen, Araz Paşayev – Təhsil Tələbə Kredit Fondunun rəhbəri, eyni zamanda universitetlərin rektorları, məktəb direktorları iştirak edəcək.
