https://innews.az/uploads/news/2024-05/_innews_1e1186aeeb3e7d95a36f3bc46_o.jpg
Bu il Bakı Ekspo Mərkəzində 17-ci Azərbaycan Beynəlxalq Kənd Təsərrüfatı Caspian Agro 2024 sərgisi işə başlayıb.
Kənd təsərrüfatında mütərəqqi innovasiya və texnologiyalardan daha geniş istifadənin təmin olunması əsas vəzifələrdəndir. Bu baxımdan müasir texnologiyaların və ən yaxşı təcrübələrin transferində beynəlxalq aqrar sərgilər böyük əhəmiyyətə malikdir.
Bu məqsədlə, hər il olduğu kimi bu il də “Aqroservis” ASC sərgidə iştirak edir. Bu il ASC sərgi mərkəzinin iki hissəsində, içəri və çöl pavliyonlarında öz eksponatları ilə çıxış edir. İçəri hissədə əsasən ASC tərəfindən həyata keçirilən aqrar sahə ilə bağlı innovativ həllər və nailiyyətlər nümayiş olunur. Belə ki, böyük smart ekranda ASC-nin əsas faəliyyət isytiqamətləri və naliyyətlərini, gübrə və toxum səpən, eləcə də xəstəliyin yayıldığı sahələri müəyyən edən və dərmanlayan aqrodronların, pilotsuz uçuş aparatı olan aqrar təyinatlı PUA-nın işləmə mexanizmini özündə əks etdirən görüntülər nümayiş etdirilir.
Açıq avliyon sahəsində isə ASC-nin bu ilki konsepti əsasən yerli istehsal olan yeni nəsil texnikalar, traktor və kombaynlar nümayiş etdirilir. Aqrar sahədə innovativ texnikalar sayılan DEUTZ FAHR markalı traktorlar, SAMPO markalı taxılyığankombayn ölkədə ilk dəfə cari ildə istehsal edilməyə başlayıb, bu texnikalar mövud texnikalardan öz innovativ və ağıllı idarəetmə funksiyaları ilə seçilir.
ASC-nin bu kimi texnikaların nümayiş etdirilməsində əsas məqsədi ölkədə yerli istehsal texnikaların istifadəsinə yönəlik fikirlərin formalaşdırılması və təşviqi prosesinin aparılmasıdır. Çöl pavliyonda həmçinin, ispan mənşəli Murciana keçiləri də nümayiş etdiriləcəkdir.
