https://innews.az/uploads/news/2024-06/_innews_b7a7816bfb8967dfc7026454a_o.jpg
Ötən ilin ilk beş ayı ilə müqayisədə bu il Azərbaycana gələn turistlərin sayında nəzərəçarpan artım müşahidə olunub. Ən çox turist gələn ölkələr arasında Rusiya, Türkiyə və Hindistan ön sıralarda yer alır. Bu ilin əvvəlindən etibarən Hindistandan Azərbaycana 90 mindən çox turist səfər edib.
innews.media xəbər verir ki, bu barədə Azərbaycan Turizm Bürosunun İdarə Heyəti sədrinin müavini Cavanşir Bayramov “Şahdağ” turizm mərkəzinin yay mövsümünə hazırlıqla bağlı keçirilən mətbuat konfransında məlumat verib.
“2023-cü ildə gəlmə turizmindən əldə olunan gəlirlər 2022-ci illə müqayisədə 82 faiz artıb. 2019-cu illə müqayisədə isə 2023-cü ildə ümumi turizm gəlirləri 9 faiz artım göstərib. 2023-cü ildə qeyri-neft-qaz sektorunda turistlərin yerləşdirilməsi və ictimai iaşənin ÜDM-də payı 3,5 faiz təşkil edib”, - deyə Cavanşir Bayramov qeyd edib.
Ən son xəbərləri səhifəmizdən də izləyin
