https://innews.az/uploads/news/2024-07/_innews_8e54a4d6d4dc6982e8bbfb3fe_o.jpg
Bakıda yerləşən “Landmark” hotelində “Hexagon: Yeni Texnologiyalar və Rəqəmsallaşma” adlı konfrans keçirildi. Konfrans Azərbaycanın aparıcı sistem inteqratoru olan “AZEL Systems” şirkəti və zavodların, gəmilərin, dəniz platformalarının layihələndirilməsi, tikintisi və istismarına yardım edən mühəndislik həlləri üzrə dünyanın aparıcı proqram təminatı istehsalçısı olan “Hexagon” şirkətinin (ABŞ-İsveç holdinqi) birgə təşkilatçılığı ilə baş tutdu.
Konfransı açan “AZEL Systems” şirkətinin Baş direktoru İqor Yakovenko son illərdə birgə əldə edilmiş mühüm nailiyyətlər barədə danışdı. O bildirdi ki, bu nailiyyətlər arasında ən önəmlisi "Hexagon" istehsalı olan SDx (Mühəndislik Sənədlərinin İdarə Edilməsi Sistemi) proqram təminatının Heydər Əliyev adına Neft Emalı Zavodunda uğurla tətbiqidir.
Tədbirdə çıxış edən “Hexagon” şirkətinin regional meneceri Şamil Fayzraxmanov qeyd etdi ki, “AZEL Systems” şirkəti artıq 10 ildən çoxdur “Hexagon” şirkətinin Azərbaycanda yeganə tərəfdaşıdır. O bildirdi ki, 1 iyun 2024-cü il tarixində "AZEL Systems" və "Hexagon" arasında yeni strateji tərəfdaşlıq müqaviləsi imzalanıb. Bu tərəfdaşlıq çərçivəsində hər iki şirkət müştərilərə daha da innovativ həllər təqdim etmək üçün öz qabaqcıl texnologiyalarını və təcrübələrini birləşdirəcək.
Çıxışının sonunda Ş.Fayzraxmanov aktivlərin idarə edilməsi, risklərin azaldılması və əməliyyat səmərəliliyinin artırılmasına kömək edən EAM, PAS, J5 kimi "Hexagon" həllərinin üstünlükləri barədə qısaca məlumat verdi.
Konfransda “Hexagon”un müxtəlif şöbələrinin texniki mütəxəssisləri də çıxış etdilər:
- Texniki mütəxəssis Edqar Blajek müştərilərin “Hexagon”un EAM (Enterprise Asset Management) həlləri ilə öz aktivlərinin idarəetmə strategiyasını necə inkişaf etdirə biləcəyini nümayiş etdirdi.
- Texniki mütəxəssis Kayl Pirs müştərilərin “Hexagon”un PAS və J5 həllərindən istifadə etməklə öz əməliyyat risklərini azaldacağını və eyni zamanda, əməliyyat səmərəliliyini necə artıracaqlarınıda nümayiş etdirdi.
- Texniki mütəxəssis Tobias Heisiq isə müştərilərin “Hexagon”un EcoSys həllindən istifadə edərək, layihələrin daha səmərəli icrası vasitəsilə əldə edə biləcəyi faydaları nümayiş etdirdi.
Bu təqdimatlar böyük maraq və rəğbətlə qarşılandı, SOCAR, BP, SOCAR Carbamide, SOCAR Polymer, Azərbaycan Respublikası Maliyyə Nazirliyi kimi təşkilatların nümayəndələri və digər qonaqlar belə tədbirlərin hər il keçiriləcəyinə ümidvar olduqlarını bildirdilər.
Konfransın sonunda İqor Yakovenko, Şamil Fayzraxmanov və digər qonaqların iştirakı ilə panel müzakirələri keçirildi.
