https://innews.az/uploads/news/2024-07/_innews_766992b6820a24b8793381349_o.jpg
“Global Olympiad Center”-in təşkilatçılığı ilə azərbaycanlı şagirdlər ABŞ-ın Nyu York ştatında Beynəlxalq Kopernik olimpiadasının riyaziyyat üzrə final mərhələsində iştirak ediblər. 14-18 iyul tarixlərində dünyanın 54 ölkəsindən 1000-dən çox şagird qalib adı uğurunda mübarizə aparıb. Azərbaycan millisi 5 kateqoriyada 42 istedadlı şagird ilə təmsil olunub.
Kolumbiya universitetində təşkil edilən final mərhələsində komandamız yüksək nailiyyət əldə edib. Belə ki, Azərbaycanın müxtəlif məktəblərində təhsil alan 3-11-ci sinifdə oxuyan şagirlərimizdən 6 qızıl, 20 gümüş, 10 bürünc medal qazanıb.
İki şagirdimiz bütün rəqiblərini qabaqlayaraq, ən yüksək mükafata layiq görülüb. Bələ ki, Sadıq Sadiqli dünya ikincisi, Turab Haqverdiyev dünya üçüncüsü adını qazanıb.
Mükaftlandirma mərasimində iştirak edən Azərbaycan respublikasının ABŞ-dakı səfirliyinin nümayəndəsi Sənan Fərəcov ölkəmizin şagirdlərinə baş çəkib, səlahiyyətli səfirimiz Xəzər İbrahimin təbriklərini şagirlərimizə çatdırıb.
Olimpiada ərzində şagirdlərimiz Nyu Yorkda " The Times Square", Central Park, Azadlıq Heykəli, 9-11 memorial kompleksi, Bruklyn köprüsü, Riyaziyyat müzeyi, Summit göydələnində olublar. “The Times Square”-də gəzinti zamanı Global Olympiad Center şagirlərimizə sürpriz edib. Ən böyük manitorda Azərbaycan komandasının şəkili və videosu yayımlanıb. Bu iştirakçılar tərəfindən böyük coşqu ilə qarşılanıb.
Qeyd edək ki, ötən il Azərbaycan yığması dünya biricisi adina layiq görülmüşdü. Bu ildə eyni uğuru təkrarlayıblar.
Ən son xəbərləri səhifəmizdən də izləyin
