https://innews.az/uploads/news/2024-08/_innews_83b966675cadc20c40ef2b9c4_o.jpg
Kaspersky-nin uşaqların onlayn təhlükəsizliyi üçün məhsulu arzuolunmaz məzmunun bloklanmasında effektivliyinə görə “AV-TEST” və “AV-Comparatives” sertifikatları alıb.
Uşaqların onlayn təhlükəsizliyi üçün “Kaspersky Safe Kids” tətbiqi müstəqil “AV-TEST” və “AV-Comparatives” təşkilatlarının sınaq nəticələrinə əsasən keyfiyyət sertifikatları (Approved) əldə edib. Hər iki laboratoriya yaşa uyğun olmayan məzmunun qarşısını almaqda məhsulun yüksək effektivliyini qeyd edib.
“Windows” platformasındakı böyüklər üçün məzmun “AV-TEST” və “AV-Comparatives” sınaqlarında müvafiq olaraq 100% və 98,1% bloklanıb. “Kaspersky Safe Kids” tətbiqi 2015-ci ildən bəri “AV-TEST” sınaqları tarixində bu kateqoriyada ən yüksək nəticə göstərən yeganə həll yolu olub və bu göstərici iki dəfə (2021 və 2023-cü illərdə) qeydə alınıb. “AV-Comparatives”in tədqiqatında həll beş iştirakçı arasında təsdiqlənmiş yeganə həll olub və 2019, 2021 və 2022-ci illərdə göstərdiyi nəticəni təkrarlayıb.
Sınaq laboratoriyalarının hər biri öz metodlarına uyğun sınaqlar aparır. “AV-TEST” mütəxəssisləri sınaq üçün 13 məzmun kateqoriyasına aid altı dildə 7500 saytdan istifadə ediblər. Bunlara böyüklər üçün məzmun, zorakılıq nümayişləri, silah və qumar daxildir. “Kaspersky Safe Kids” həlli “Windows” platformasında böyüklər üçün saytların 100%-ni və müxtəlif kateqoriyalar üzrə uşaqlar üçün arzuolunmaz materialların 92,2%-ni bloklayıb. “Android” platformasında həll böyüklər üçün saytların 99,09%-ni bloklayıb. Tətbiq ardıcıl səkkizinci dəfə “AV-TEST”dən sertifikat əldə edərək bazarda bu nailiyyətə ardıcıl səkkiz dəfə imza atan ilk məhsul olub.
“AV-Comparatives” sınağında “Kaspersky Safe Kids” həlli “Windows” platformasındakı böyüklər üçün resursların 98,1%-ni heç bir yalnış müsbət nəticə vermədən bloklayıb. “AV-Comparatives” ekspertləri həmçinin bu həllin uşaqların onlayn fəaliyyətinin monitorinqi baxımından geniş imkanlarını, eləcə də uşağın cihazında valideynin qacetindən edilən dəyişikliklərin ortaya çıxma sürətini qeyd ediblər.
“Valideynlər övladlarının rəqəmsal cihazlarda nə etdiyini və internetdə kimlərlə ünsiyyətdə olduğunu bilməlidirlər. Azərbaycanda apardığımız son araşdırmaya görə, respondentlərin 31%-i övladına ilk dəfə 2-3 yaşında elektron cihaz verib, demək olar ki, dörddə biri (23%) bunu uşaq 4-6 yaşlarında olanda edib. Eyni zamanda, uşaqların üçdə biri (35%) artıq 7-11 yaş arasında şəxsi telefon və ya planşetini əldə edir”, - deyə Kaspersky-nin Azərbaycandakı rəsmi nümayəndəsi Müşviq Məmmədov bildirir. "Valideynlərə “Kaspersky Safe Kids” valideyn nəzarəti həllindən istifadə etməyi tövsiyə edirik - onun köməyi ilə uşaqların müəyyən məzmuna girişini məhdudlaşdıra və uşağın ekran vaxtına nəzarət edə bilərsiniz”.
“AV-TEST Parental Control Test 2023” sınağının nəticələri ilə ətraflı buradan tanış ola bilərsiniz: https://www.av-test.org/en/news/kaspersky-safe-kids-premium-parental-control-test-2023/.
“AV-Comparatives Parental Control Certification 2024” sınağının nəticələrini buradan görə bilərsiniz: https://www.av-comparatives.org/tests/parental-control-review-2024-kaspersky-safe-kids-for-windows/.
Kaspersky 2014-cü ildən internetdə uşaqları qorumaq üçün məhsullarının imkanlarını sınaqdan keçirir. Bütün “Kaspersky Safe Kids” sınaqlarının nəticələrinə buradan keçid edə bilərsiniz: https://www.kaspersky.com/about/awards?filter%5Bproducts%5D=ksk.
Şirkət təkcə uşaqların kibertəhlükəsizliyi üçün məhsullar istehsal etmir, həm də ən gənc internet istifadəçilərinin rəqəmsal savadlılıq səviyyəsini artırır. 2024-cü ildə Kaspersky “Kiberəlifba” kitabını təqdim etdi ki, onun köməyilə uşaqlara fırıldaqçıların hiylələrini tanımağı və onlayn təhlükəsizliyin vacibliyini ətraflı izah etmək mümkündür.
