https://innews.az/uploads/news/2024-10/_innews_82d5b00b58c11678c34e2cc8e_o.jpg
2024-cü ildə 9 ay ərzində gediş sifarişi xidməti Azərbaycanın daha 11 şəhərində təqdim edilib. İndi Bolt xidmətlərindən Naxçıvan, Lənkəran, Masallı, Şamaxı, Cəlilabad, Qazax, Quba, Şirvan, Yevlax, Xaçmaz və Qusar şəhərlərinin sakinləri də istifadə edə bilər.
Azərbaycanda gediş sifarişi xidmətlərinə tələbat hər gün artır, Bolt xidmətinin əhatə dairəsinin genişləndirilməsi daha çox müştəriyə yeni nəqliyyat təcrübəsi təqdim etmək üçün nəzərdə tutulub. Bolt mobil tətbiqi vasitəsilə gedişlərin sifariş edilməsinin rahatlığı artıq bu xidməti ölkənin müxtəlif yerlərində istifadəçilər arasında populyarlaşdırıb. Məsələn, statista.com portalının proqnozuna əsasən bu il gediş sifarişi (ride-hailing) bazarında istifadəçilərin sayının 1,56 milyon nəfər olacağı gözlənilir.
Gediş sifariş etmək üçün smartfona Bolt tətbiqini yükləməlisiniz. Sonra təyinat yerini və avtomobil kateqoriyasını seçməlisiniz. Sifariş ərazi baxımdan istifadəçiyə ən yaxın olan sürücü tərəfindən qəbul edilir. Sərnişin sifarişi təsdiq etdikdən sonra sürücü (adı və əlaqə məlumatları) və avtomobil (rəngi, markası və nömrəsi), habelə avtomobilin təxmini gəliş vaxtı haqqında məlumat alır. Bolt sərnişinlərə sürücü, marka, model, rəng və ya dövlət nömrə nişanı tətbiqdə göstərilən məlumatlara uyğun gəlmədiyi halda səfər etməməyi və hətta avtomobilə minməməyi tövsiyə edir. Xidmətlərin keyfiyyətini və təhlükəsizliyini yüksəltmək məqsədilə şirkət sərnişinləri istənilən insidentləri qeydə almağa imkan verən dəstək xidməti ilə tətbiq vasitəsilə əlaqə saxlamağa dəvət edir. Buna görə də xidmət istifadəçilərindən avtomobilin tətbiqdə göstərilən məlumatlara uyğun gəlmədiyi hallar barədə məlumat vermələrini tələb edir. Bolt bu cür gedişlərin ləğv edilməsi və ya bildirilməsi üçün əlavə ödəniş tələb etmir. Üstəlik, oxşar vəziyyətlə qarşılaşan və dəstək xidmətinə sifariş üzrə başqa avtomobilin gəldiyini bildirən sərnişinlərə tətbiq vasitəsilə 50%-dək endirim nəzərdə tutulan promokodlar təqdim edilir.
Bolt xidmətin rahatlığını və keyfiyyətini qiymətləndirə bilmələri üçün bu şəhərlər üzrə yeni istifadəçilər üçün ilk gedişlərdə xüsusi endirimlər, tərəfdaş sürücülər üçün isə gündəlik bonuslar təqdim edir.
Bolt Azərbaycanın əməliyyatlar üzrə meneceri İsa Rəhimli bildirir: “Biz şəhərlərdə hərəkətin həm rahat, həm də təhlükəsiz olması üçün çalışırıq. Bolt hər gediş zamanı sərnişinlərin rahatlığını və təhlükəsizliyini təmin etmək üçün daim çalışır, buna görə də biz platformamızın inkişafına sərmayə qoymağa, innovasiyalar etməyə və xidmət keyfiyyətini yaxşılaşdırmağa davam edirik. Biz həmçinin yüksək səviyyədə təhlükəsizliyi və bütün yerli tələblərə uyğunluğu təmin etmək üçün yerli hakimiyyət orqanları və icmalarla fəal əməkdaşlıq edirik. Xidmətin yeni şəhərlərdə aktiv edilməsi şirkətin Azərbaycan əhalisinə ən yaxşı nəqliyyat həlləri təqdim etmək strategiyası üçün mühüm addımdır”.
