https://innews.az/uploads/news/2024-10/_innews_86de806f7365a9d3e340cabad_o.jpg
Musiqisevərləri parlaq payızın on günü gözləyir: Oktyabrın 17-dən 27-dək Beynəlxalq Muğam Mərkəzində, Konservatoriyada, Jolly Joker konsert meydançasında, Fairmont Baku otelindəki klubda və Azərbaycan Diplomatik Akademiyada (ADA) tanınmış musiqiçilərin ifasında caz musiqisi səslənəcək. Festivalın proqramına konsertlər və cem seanslarından əlavə ustad dərsləri və caz ulduzları ilə görüşlər, “İpək üzərində caz” sərgisi, “Jazz & Art” animasiya eskizləri, Best World Jazz Photo sərgisi, Bəhram Bağırzadənin “ Uşaqlar üçün caz” kitabının təqdimatı daxildir.
Hər bir Baku Jazz Festival ən kiçik təfərrüatlarına qədər düşünülmüş, ən şıltaq musiqisevərlərin zövqünü oxşaya bilən ahəngdar proqramdır. Bu il festivalda ənənəvi caz, etno-caz, bossa nova, caz-rok kimi üslublar nümayiş olunacaq. Festivalda iştirak etmək üçün dünya ulduzları gəlir: müxtəlif illərdə Diana Kral, Al Di Meola, Çarlz Loyd, Keyko Matsui, Şakatak, Cazzanova, Fourplay olub. Bu festivalın diqqət çəkən məqamı Interplay triosu və amerikalı müğənni Şeril Rayleydir. Caz musiqisi ilə birləşən hələ də isti payız axşamları unudulmaz təəssürat yaradacaq.
