https://innews.az/uploads/news/2024-12/_innews_4fdf4c0210700c39c8bd5fcd6_o.jpg
Ailə, Qadın və Uşaq Problemləri üzrə Dövlət Komitəsi, uşaqların doğulanadək cins seçiminin qarşısının alınması və cins balansının qorunması məqsədilə yeni maarifləndirici təşəbbüslərə start verib. Komitə blogerlərlə əməkdaşlıq çərçivəsində bu mövzuda maarifləndirici video-çarx hazırlayıb.
Video-çarx, cəmiyyətdə uşaqların cins seçimi ilə bağlı mənfi təsirlərə diqqət çəkməklə yanaşı, insanları bu zərərli təcrübə ilə mübarizəyə səsləyir.
Cəmiyyətə ünvanlanan çağırışda bildirilir: "Hər can yaşamaq istər! Cins seçiminə yox de! Övladını öldürmə!"
Hamını uşaqların cins seçiminin qarşısının alınması ilə bağlı mübarizədə daha fəal olmağa çağırırıq. Hər bir fərdin bu məsələdə məsuliyyət daşıdığını unutmamalıyıq.
