https://innews.az/uploads/news/2025-01/_innews_f6fb9cafa1330ed23a0905138_o.jpg
Xırdalan şəhər 1 nömrəli tam orta məktəbdə Təhsildə İnkişaf və İnnovasiyalar üzrə VIII Qrant Müsabiqəsinin qalibi olan “P4C - İbtidai Siniflər üçün Fəlsəfə” layihəsinin təlimləri uğurla davam edir. Layihə Arifə Balakişiyevanın rəhbərliyi ilə həyata keçirilir, təlimləri isə Təranə Nuriyeva aparır.
Layihə çərçivəsində həftədə iki dəfə iki saatlıq təlimlər təşkil olunur. Təlimlər həm şagirdlərə, həm müəllimlərə, həm də valideynlərə yönəldilib. 1-4-cü siniflərdən seçilmiş 60 şagird təlimlərdə iştirak edir. Bundan əlavə, 15 ibtidai sinif müəllimi və 60 valideynə də P4C bacarıqları (Tənqidi düşünmə, Empatiya, Öz fikirlərini ifadə etmə, Problemi həll etmə) haqqında məlumat verilir və bu bacarıqların uşaqlara aşılanması yolları izah edilir. Təlimlərin effektivliyini ölçmək üçün şagirdlərlə mütəmadi olaraq sorğular keçirilir.
Layihənin əsas məqsədi ibtidai sinif şagirdlərində P4C bacarıqlarını inkişaf etdirmək, onların problemləri həll etmək, öz fikirlərini sərbəst ifadə etmək və empatiya qurmaq kimi qabiliyyətlərini artırmaqdır. Bu layihə Arifə Balakişiyevanın rəhbərliyi ilə Xırdalan şəhər 1 nömrəli tam orta məktəbdə həyata keçirilir.
Layihənin təlimləri davam etməkdədir və bu innovativ yanaşma ibtidai təhsil sahəsində böyük əhəmiyyət kəsb edir.
