https://innews.az/uploads/news/2025-02/_innews_c3af11f0769ceeab8848ae3be_o.jpg
7 fevral 2025-cü il tarixində Göygöl 1 saylı Mediasiya Təşkilatının əməkdaşları təşkilatın ofisində görüş keçiriblər. Görüşdə təşkilatın direktoru Ceyhun Hümbətov 2024-cü ildə görülən işlər və 2025-ci ildə qarşıda duran vəzifələr barədə məlumat verib. O, həmçinin barışıq sazişlərinin keyfiyyətli hazırlanması ilə bağlı tapşırıq və tövsiyələrini səsləndirib.
Mediator Afət Səmədova vətəndaşlara daha keyfiyyətli xidmət göstərilməsi üçün öz təkliflərini irəli sürüb. Mediatorlar Minayə Həsənova və Ayşən Hüseynova isə mediasiyanın Göygöl rayonunda daha geniş təbliği məqsədilə şəhərlə yanaşı, ucqar kəndlərdə də maarifləndirici tədbirlərin keçirilməsinin vacibliyini vurğulayıblar.
Görüşün sonunda mediasiya sahəsində rayonun müxtəlif yerlərində mütəmadi olaraq maarifləndirici tədbirlərin keçirilməsi ilə bağlı qərar qəbul edilib.
