https://innews.az/uploads/news/2025-02/_innews_206d0cf987b86f780a32f62f2_o.jpg
22 fevral 2025-ci il tarixində Mediasiya Şurası İdarə Heyətinin sədri Nadir Adilov Şuranın əməkdaşı Əli Fərzəliyev və Sabirabad 1 saylı Mediasiya Təşkilatının rəhbəri Musa Ramazanov ilə birlikdə Cəbrayıl 1 saylı Mediasiya Təşkilatının ofis şəraiti, görülən işlər ilə tanış olub. Görüşdə Cəbrayıl 1 saylı mediasiya təşkilatının rəhbəri Tahir Balakişiyev, mediatorlar Rahib Məmmədov və Cəmil Cəmilli də iştirak edib.
Cəbrayıl 1 saylı mediasiya təşkilatının rəhbəri Tahir Balakişiyev qonaqları təşkilatın ofis şəraiti və iş rejimi ilə tanış edib. Görülən işlər barədə məlumat verib və keyfiyyətli barışıq sazişlərinin imzalanması sahəsindəki nailiyyətləri qeyd edib.
Mediasiya Şurası İdarə Heyətinin sədri Nadir Adilov Cəbrayıl 1 saylı mediasiya təşkilatının fəaliyyətinə uğurlar arzu edib və qısa müddətdə əldə olunan nəticələrə görə təşəkkür edib.
