https://innews.az/uploads/news/2025-02/_innews_6c6401485d7813e2255ab6737_o.jpg
“Woman Bazaar” Dayanıqlı İnkişaf Layihəsi çərçivəsində, 8 Mart - Beynəlxalq Qadınlar Gününə həsr olunmuş festival qadınların dayanıqlı sahibkarlıq fəaliyyətlərini dəstəkləmək və onların iqlim dəyişikliyi ilə mübarizəsindəki rolunu vurğulamaq məqsədilə 50 yaşa qədər həssas qruplardan olan 60 qadın sahibkarı (15-i regionlardan olmaqla) dəstəkləyəcək.
Festival öncəsi həssas qrupdan olan qadın sahibkarların bilik və bacarıqlarını artırmaq üçün brendinq, sosial media strategiyası, rəqəmsal marketinq, satış texnikaları və digər biznes yönümlü mövzularda təlimlər təşkil olunub. Həmçinin, onların bizneslərini inkişaf etdirmək və satış strategiyalarını təkmilləşdirmək üçün onlayn mentorluq dəstəyi göstərilib. “PAŞA Holdinq”in dəstəyi ilə artıq dördüncü dəfə təşkil olunan festivalın əsas məqsədi həssas qruplardan olan qadın sahibkarların fəaliyyətlərini gücləndirmək, dayanıqlı biznes modellərinin inkişafına töhfə vermək və ekoloji həssaslıqla istehsal edilən məhsulları təşviq etməkdir.
Festival tarixi və məkanı:
Tarix:
- 1 mart, saat 14:00 – 19:00
- 2 mart, saat 12:00-19:00
Məkan: Passage 1901 (Nigar Rəfibəyli 12/14, Baku, Azerbaijan)
Bu festival sadəcə bir yarmarka deyil, həm də qadın sahibkarların güclənməsinə və yeni imkanlar qazanmasına dəstək olmaq üçün unikal bir fürsətdir.
Qeyd edək ki, qadın sahibkarlığı mövzusu “PAŞA Holdinq”in KSM strategiyasında mühüm yer tutur. Bu istiqamətdə “PAŞA Holdinq” və onun törəmə şirkətləri müxtəlif layihələr həyata keçirir ki, bura AFAQ layihəsi, “Ana sahibkar”, “Women Bazaar” layihələri daxildir.
Qeyd edək ki, ötən il “PAŞA Holdinq” Azərbaycanın voleybol üzrə milli yığma komandasını da dəstəkləyib.
