https://innews.az/uploads/news/2025-08/_innews_d4a78c3e1db59b5da410491a3_o.jpg
Azərbaycan və Ermənistan arasında əldə olunan tarixi razılaşmaya münasibət bildirən Qazaxıstanın Azərbaycandakı səfiri Alim Bayel sülh prosesini yüksək qiymətləndirib.
Diplomat qeyd edib ki, bu razılaşma Cənubi Qafqazda sülh və əməkdaşlığın yeni mərhələsinə təkan verəcək:
“Əminəm ki, yolların açılması, nəqliyyat və logistika, kommunikasiya, ticarət, energetika sahələrində əməkdaşlıq təkcə Cənubi Qafqaz üçün deyil, həm də Mərkəzi Asiyanın sabitliyi və rifahına böyük töhfə verəcək. Prezident Tokayevin təşəbbüsü ilə Qazaxıstanın da sülh prosesində iştirak etməsi bizim üçün qürur mənbəyidir. Biz həmişə tarixi ədaləti və qarşılıqlı hörməti dəstəkləyirik.”
Alim Bayel həmçinin vurğulayıb ki, Qazaxıstan regional əməkdaşlığın dərinləşdirilməsi və davamlı sülhün möhkəmləndirilməsi istiqamətində Azərbaycanla birgə fəaliyyətə hazırdır.
