https://innews.az/uploads/news/2025-08/_innews_5db2abcec14f9e052b0c90a53_o.jpg
Latviya Mediasiya Şurasının sədrinin iştirakı ilə "Mediatorlar üçün Mediasiya təlimi üzrə tədris vəsaiti" adlı kitabın təqdimat mərasimi keçirilib.
Moderator.az xəbər verir ki, Azərbaycanda mediasiya institutunun inkişaf etdirilməsi, mübahisələrin alternativ həll yollarının təşviqi və mediatorların peşəkar hazırlıq səviyyəsinin yüksəldilməsi istiqamətində növbəti mühüm təşəbbüs reallaşdırılır. Bu məqsədlə “Mediatorlar üçün Mediasiya təlimi üzrə tədris vəsaiti” adlı müasir və praktik yönümlü kitab hazırlanaraq nəşr edilib və mediatorluğa namizədlər və mediatorlar üçün Bakı KOB Evində təqdim edilib.
Təqdimat mərasimində çıxış edən Mediasiya Şurası İdarə Heyətinin sədri Nadir Adilov öncə mediasiya sahəsində əyani vəsaitin çox az olmasına baxmayaraq bu sahədə əvəzsiz dəstəyin göstərilməsi və mediasiya institutunun inkişafına göstərdikləri dəstəyə görə Avrasiya Hüquqşünaslar Assosiasiyası İctimai Birliyi tərəfindən Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə nəşr edilən kitaba görə Agentliyin rəhbərliyinə və Ekspert Şurasına dərin təşəkkür edib. O qeyd edib ki, məhz Agentliyin və Agentliyin tərəfdaş, vətəndaş cəmiyyəti təşkilatlarının dəstəyi ilə mediasiya sahəsində nəzəri kitabların hazırlanması və təlimlərə cəlb edilən mediatorluğa namizədlər, eyni zamanda mediatorlar üçün təqdim edilməsi artıq intensiv hal alıb və Ədliyyə Akademiyası tərəfindən istər mediatorluğa namizədlər üçün, istərsə də mediatorların ixtisasartırma kurslarında iştirak edən mediatorlar üçün qeyd edilən nəşrlərin təqdim edilməsi çox əlamətdar bir hadisədir və bu mediasiya institutunun nəzəri və praktiki inkişafına bilavasitə müsbət təsir edir. Nadir Adilov əlavə edib ki, beynəlxalq dərəcəli mediasiya təlimçiləri Leanardo Drusso və Adi Gavrila tərəfindən yazılan bu metodiki vəsaitin hazırlanmasında Mediasiya Şurası, AR Ədliyyə Nazirliyinin Ədliyyə Akademiyası da mühüm rol oynayıb.
Çıxış edən Latviya Mediasiya Şurasının sədri Faila Abbasova nəşr edilən vəsaitin mediatorların hazırlanmasında mühüm rol oynadığını və Azərbaycan Respublikasının dövlət təsisatları tərəfindən bu cür vəsaitlərin nəşr edilməsinə dəstəyin göstərilməsini də mütərəqqi təcrübələr sırasında olduğunu qeyd edib. O qeyd edib ki, bu cür kitabların nəşr edilməsi, mediatorlar və namizədlərə ödənişsiz əsaslarla təqdim edilməsi çox mühüm bir addımdır və mediator peşəsinə nəzəri və praktiki yanaşmaya olan müsbət münasibəti özündə ehtiva edir.
Daha sonra qeyd edilən vəsait mediatorlara və mediatorluğa namizədlərə təqdim edilib.
