https://innews.az/uploads/news/2025-12/_innews_3f8e94cd9c8ca4bbd968bca5e_o.jpg
“Azərbaycan Dəmir Yolları” QSC (ADY) tərəfindən Bakı şəhərində yerləşən Dərnəgül dayanacağının tikintisi mərhələli şəkildə davam etdirilir.
Layihənin əsas məqsədi sərnişindaşıma xidmətinin keyfiyyətinin yüksəldilməsi, şəhərətrafı dəmir yolu nəqliyyatının əlçatanlığının artırılması və paytaxtda nəqliyyat mobilliyinin gücləndirilməsidir. Yeni dayanacaq sakinlərin gündəlik gediş-gəlişini daha rahat və təhlükəsiz edəcək.
ADY tərəfindən həyata keçirilən bu infrastruktur layihəsi şəhərətrafı marşrutlarda sərnişin axınının optimallaşdırılmasına, eləcə də ictimai nəqliyyatdan istifadənin təşviqinə xidmət edir.
Qeyd edək ki, son illər dəmir yolu nəqliyyatının modernləşdirilməsi istiqamətində həyata keçirilən layihələr paytaxt və ətraf ərazilərdə nəqliyyat yükünün azaldılmasına mühüm töhfə verir.
