ADAU-nun əməkdaşı “Azərbaycan milli mətbuatının 150 illiyi” yubiley medalı ilə təltif olunub

ADAU-nun əməkdaşı “Azərbaycan milli mətbuatının 150 illiyi” yubiley medalı ilə təltif olunub ADAU-nun əməkdaşı “Azərbaycan milli mətbuatının 150 illiyi” yubiley medalı ilə təltif olunub https://innews.az/az/news/id-56497

Azərbaycan Dövlət Aqrar Universitetinin (ADAU) Mətbuat və ictimaiyyətlə əlaqələr şöbəsinin müdir müavini Qalib Rəhimli “Azərbaycan milli mətbuatının 150 illiyi” yubiley medalı ilə təltif olunub.

Qalib Rəhimli uzunmüddətli və səmərəli fəaliyyəti, peşəkarlığı, operativ və obyektiv informasiya təminatındakı xidmətlərinə görə bu yüksək mükafata layiq görülüb.

Yubiley medalı Azərbaycan Prezidenti İlham Əliyevin milli mətbuatın tarixi missiyasına, jurnalist əməyinə və medianın cəmiyyətin inkişafındakı mühüm roluna verdiyi yüksək qiymətin bariz ifadəsi olaraq, dövlət başçısının 20 fevral 2025-ci il tarixli Fərmanı ilə təsdiq edilmiş müvafiq qanunvericilik dəyişiklikləri əsasında təsis edilib.

Azərbaycan Dövlət Aqrar Universiteti olaraq göstərilən bu yüksək dövlət diqqəti və etimada görə Möhtərəm Prezident cənab İlham Əliyevə dərin minnətdarlığımızı bildirir və bundan sonra da milli mətbuatın inkişafına, cəmiyyətin operativ və etibarlı informasiya ilə təmin olunmasına töhfə vermək istiqamətində fəaliyyətimizi qətiyyətlə davam etdirəcəyimizi bildiririk.

Azərbaycan Dövlət Aqrar Universitetinin rəhbərliyi və kollektivi adından Qalib Rəhimlini təbrik edir, fəaliyyətində uğurlar arzulayırıq.