https://innews.az/uploads/news/2026-02/_innews_b3b0caaaba89b599d8e72f187_o.jpg
Goranboy rayonu Quşçular kənd tam orta məktəbində ‘Mən gələcəyin robototexnikiyəm’ qrant layihəsinin bağlanış tədbiri keçirilib.
Tədbirdə Gəncə-Daşkəsən Regional Təhsil İdarəsinin Goranboy-Naftalan rayonları üzrə təhsil sektorunun müdiri Vüsal Cəfərov, sektor əməkdaşları, layihə eksperti, layihə təlimçisi, məktəb direktoru, müəllim heyəti, valideyn və şagirdlər iştirak ediblər.
Azərbaycan Respublikası Elm və Təhsil Nazirliyinin Təhsildə inkişaf və innovasiyalar üzrə 9-cu qrant müsabiqəsi çərçivəsində qalib olan "Mən gələcəyin robototexnikiyəm" layihəsinin bağlanış mərasimi keçirilib.
Tədbir dövlət himninin səsləndirilməsi ilə açıq elan edildikdən sonra Ulu öndər Heydər Əliyev və şəhidlərimizin ruhunu 1 dəqiqəlik sükutla yad edilib.
Layihə hesabatı üçün layihə rəhbəri Aytən Məmmədovaya söz verilib. Layihə rəhbəri görülmüş işlər, əldə olunmuş nəticələr, ekskursiya haqqında ətraflı məlumat verib.
Layihədə iştirak edən şagirdlər və valideynlərin bir qismi çıxış edərək öz təəssüratlarını bölüşdülər.
Layihə eksperti Elza İsgəndərli layihə çərçivəsində bütün gedişatını izlədiyini, həmçinin 8 robotun, bir proyektor, bir noutbuk və rollapın məktəbə şagirdlərin istifadəsinə verilməsini layihənin ən böyük uğurlarından biri sayıb.
Layihənin icrası zamanı lazımi təşkilatı dəstəyi göstərən məktəb direktoru Tərgül Məmmədova da layihəyə uğurlar arzulayaraq xoş təbriklərini çatdırdı.
Tədbirin bədii hissəsində icra olunmuş təlimlərdən və Bakı STEAM İnnovasiyalar Mərkəzindən yadda qalan maraqlı anlardan video çarx təqdim edilib. Bir qrup şagirdlər "Robotlar" haqqında musiqi ifa edib rəqs ediblər. Həmçinin "Uzundərə rəqsi ifa olunub. Daha sonra
“Ədəbiyyatın Zirvəsi – şagirdlərin təqdimatında”
bədii kompozisiya nümayiş etdirilib.
Bağlanış tədbirinə dəvət almış Gəncə-Daşkəsən Regional Təhsil İdarəsinin Goranboy-Naftalan rayonları üzrə sektor müdiri Vüsal Cəfərov çıxışında layihənin uğurla həyata keçirilməsində əməyi keçən hər kəsə təşəkkürünü bildirib, gələcək fəaliyyətlərdə uğurlar arzulayıb.
Sonda layihədə iştirak edən şagirdlər sertifikatlarla və lego hədiyyələri ilə təltif olunublar. Layihədə dəstəyi olan komanda isə təşəkkürnamələrlə təltif edilib.
Xatırladaq ki, Təhsildə inkişaf və innovasiyalar üzrə IX qrant müsabiqəsinin qalibi olan layihə Goranboy rayonu Quşçular kənd Hakim Cəfərov adına tam orta məktəbin coğrafiya müəllimi Aytən Məmmədova tərəfindən icra olunur. Layihə şagirdlərdə robot texnologiyalar haqqında əsas anlayışların mənimsənilməsini, şagirdlərdə sadə robot modelləri üzərində çalışaraq öz ideyalarını həyata keçirilməsini, seçilmiş şagirdlər arasından bir robotika komandası təşkil edilməsini və layihə nəticəsində məktəbdə robot texnologiyalarına həsr olunmuş aktiv öyrənmə mühiti formalaşamasını hədəfləyib.
