https://innews.az/uploads/news/2026-03/_innews_e701440f1d1c74044787b9fa1_o.jpg
Cari ilin aprelin 1-dən Nadir İmanov BP-nin Azərbaycan, Gürcüstan və Türkiyə (AGT) regionu üçün maliyyə məsələləri üzrə vitse-prezidenti vəzifəsinə təyin edilib.
“BP Azerbaijan”dan verilən məlumata görə, o hazırda şirkətin Yaxın Şərq və Şimali Afrikada maliyyə üzrə vitse-prezidentidir.
Nadir İmanov yeni vəzifəsində BP-nin AGT regionu üzrə maliyyə məsələlərinin idarə edilməsinə cavabdeh olacaq. O, BP-nin London ofisindəki hasilat və əməliyyatlar sahəsində maliyyə məsələləri üzrə baş vitse-prezidentinin rəhbərliyi altında çalışacaq.
N.İmanov bu vəzifədə AGT regionunda maliyyə məsələləri üzrə hazırkı vitse-prezident Kolin Allanı əvəz edəcək. K.Allan isə 1 aprel tarixindən Birləşmiş Krallığa qayıdacaq.
Nadir İmanov BP-nin Azərbaycanda yerli vətəndaş olan yeddinci vitse-prezidentidir.
N.İmanovun planlaşdırma və kommersiya sahəsində 30 ildən artıq təcrübəsi var və BP əməkdaşı kimi Azərbaycan, Türkiyə, Misir və Omanda çalışmaqla həmin ölkələrdə böyük komandalara və iri biznes sahələrinə rəhbərlik edib.
