https://innews.az/uploads/news/2026-04/_innews_4ff312c51e9f5bf7dda0fc6dc_o.jpg
“Aqrar Məşvərət Şurası” İctimai Birliyinin sədri Niyazi Əmirbəyov Azərbaycan Dövlət Aqrar Universitetinin (ADAU) tələbələri üçün nəzərdə tutulmuş “Azərbaycanın gənc aqro liderləri” təqaüd proqramına seçilən tələbələrlə görüşüb.
Görüşdə bildirilib ki, layihənin əsas məqsədi aqrar sahədə liderlik potensialına malik, müasir bilik və bacarıqlarla təchiz olunmuş gənclərin dəstəklənməsi, onların təhsil imkanlarının genişləndirilməsi və peşəkar inkişafına şərait yaradılmasıdır.
Təqaüd, əyani formada təhsil alan və yüksək akademik göstəriciləri ilə seçilən II və III kurs tələbələrinə şamil olunur. Proqram “Aqronomluq”, “Baytarlıq”, “Zoomühəndislik” və “Aqromühəndislik” ixtisaslarında uğur qazanan tələbələri əhatə edir.
Görüşün sonunda təqaüd qazanan tələbələrə sertifikatlar təqdim olunub.
