https://innews.az/uploads/news/2026-04/_innews_6b9c40efd1d187517346949d0_o.jpg
Dünya şöhrətli prodüser və DJ Kelvin Harris 2026-cı il Formula 1 Azərbaycan Qran Prisinin açılış gecəsinin əsas ulduzu olacaq. 24 sentyabr tarixində Bakıda keçiriləcək yarış həftəsonunun 10 illik yubileyi möhtəşəm şou ilə start götürəcək və bu unudulmaz gecəyə Kelvin Harrisin enerjisi damğa vuracaq.
Elektron musiqinin aparıcı simalarından biri kimi Kelvin Harris hit-paradları fəth edən mahnıları, fərqli janrları bir araya gətirən uğurlu əməkdaşlıqları və milyonlarla azarkeşi cəlb edən canlı performansları ilə tanınır. Onun repertuarında Rihanna, The Weeknd, Frenk Ouşn, Miqos, Farrell Uilyams, Keyti Perri və Trevis Skott kimi ulduzlarla hazırlanmış dünya miqyaslı hitlər yer alır və bu, onun çıxışını hər yaşdan olan tamaşaçılar üçün xüsusi edir.
Karyerası boyunca əldə etdiyi möhtəşəm nailiyyətlər Kelvin Harrisi sənayenin zirvəsinə yüksəldib. O, “We Found Love” mahnısına görə Qremmi mükafatına layiq görülüb, ümumilikdə altı dəfə bu mükafata namizəd olub, həmçinin BRIT Awards və MTV Video Music Awards kimi nüfuzlu platformalarda dəfələrlə diqqət mərkəzində olub. Bakıda keçiriləcək bu möhtəşəm çıxış yubiley ilinin əsas hadisələrindən biri kimi yadda qalacaq və azarkeşlərə dinamik, parlaq və yüksək səviyyəli əyləncə vəd edir.
