https://innews.az/uploads/news/2026-04/_innews_4bf69992e7ef4f3f980da63af_o.jpg
21 aprel 2026-cı il Azərbaycan Dövlət Uşaq Filarmoniyasının Beynəlxalq Rəqs gününə həsr olunmuş möhtəşəm konsert proqramı baş tutub. Konsert proqramında Azərbaycan Dövlət Uşaq Filarmoniyasının Uşaq Folklor Mahnı və rəqs ansamblı, müxtəlif rəqs kollektivləri çıxış edərək zəngin və rəngarəng repertuar təqdim edib. Proqram çərçivəsində Azərbaycan və dünya bəstəkarlarının əsərləri, eləcə də müxtəlif xalqların rəqsləri səhnələşdirilmiş kompozisiyalar şəklində tamaşaçılara təqdim olunub.
Artıq 35 ilə yaxındır fəaliyyət göstərən Uşaq Folklor Mahnı və Rəqs Ansamblı bu günə qədər bir çox beynəlxalq səhnələrdə — Şotlandiya, Moldova, Latviya, Rusiya, Türkiyə və digər ölkələrdə Azərbaycan mədəniyyətini böyük qürurla təmsil edib. Bu konsert isə kollektivin zəngin yaradıcılıq yolunun növbəti uğurlu səhifəsinə çevrildi.
Həyəcanı, sevinc dolu baxışları və səmimi çıxışları ilə tamaşaçıların ürəyinə yol tapan və səhnədə ilk addımlarını atan balaca ifaçılar da bu gecəyə xüsusi rəng qataraq arasıkəsilməz alqışlarla qarşılanıb. Bu hesabat-qala konserti sadəcə bir çıxış deyil, böyük zəhmətin, peşəkarlığın və sənətə olan sonsuz sevginin təntənəsi idi. Hər bir rəqs nömrəsi milli ruhu yaşadır, hər bir ifa gələcəyin sənətkarlarının formalaşdığını nümayiş etdirib.
Konsert yalnız rəqs nömrələri ilə deyil, həm də uşaqların səhnə mədəniyyətinin, estetik zövqünün və yaradıcılıq potensialının inkişafına yönəlmiş mühüm bir layihə kimi yadda qalıb. Rəqs vasitəsilə uşaqlarda özünəinam, nizam-intizam, komanda ruhu və milli dəyərlərə bağlılıq kimi keyfiyyətlərin formalaşdırılması bir daha nümayiş olundu.
Konsertin bədii rəhbəri Nigar Zeynalova, Uşaq Folklor Mahnı və Rəqs Ansamblının bədii rəhbəri Məhəmməd Quliyev, quruluşçu baletmeyster Zeynal Cigərxanov, balet üzrə repetitorlar Günel Təhməzova və Səbinə Cəlilova, eləcə də pedaqoq Seyran Xəlilov və digər yaradıcı heyət tədbirin yüksək səviyyədə təşkilində mühüm rol oynayıblar.
Konserti izləyənlər arasında Venesuela və Fransa səfirliyi, Beynəlxalq Muğam Mərkəzinin dirketoru, Əməkdar artisr Sahib Paşazadə də var idi.
Gecənin ən yadda qalan anı balaca qəhrəmanlarımızı izləyənlənlər arasında Azərbaycan Respublikanın prezidenti İlham Əliyevin və Azərbaycanın Birinci vitse-prezidenti Mehriban Əliyevanın gəlini Alyona Əliyevanın iştirakı oldu. Uşqların çıxışlarını maraqla izləyən Alyona Əliyeva onların istedadını və səhnə mədəniyyətini xüsusi qeyd edib.
Gecə boyunca səslənən alqışlar isə bir daha göstərdi ki, bu səhnədə yetişən gənclər Azərbaycan mədəniyyətinin gələcəyidir.
