https://innews.az/uploads/news/2026-05/_innews_6e9723e1da5c020c3a644d253_o.jpg
Bakı Dövlət Universitetinin Geologiya fakültəsinin G-127A, G-34A, GGFM-009A, GGFM-011A və GGFM-005İ qrupları 27- aprel 2026-cı il tarixindən AMEA nəzdində Respublika Seysmoloji Xidmət Mərkəzinin "Zəlzələlərin tədqiqatı bürosu"nda istehsalat təcrübəsinə başlayıblar.
İstehsalat təcrübəsinə rəhbərliyi BDU-nun Geologiya fakültəsinin "Seysmologiya və Yer təkinin fizikası" kafedrasının müdiri, dosent Əvəz Məmmədov rəhbərlik edir.
1 may 2026-cı il tarixində RSXM-nin "Zəlzələlərin tədqiqatı bürosu"nda tələbələr büronun fəaliyyəti və tətbiq olunan emal proqramları haqqında məlumatlandırılıb. Büronun rəisi, Yer elmləri üzrə fəlsəfə doktoru Səidə İsmayılova RSXM-nin seysmik stansiyalarının şəbəkə strukturunun iş prinspi və zəlzələ məlumatlarının emalında tətbiq edilən Antelope 5.15 proqramı haqqında təqdimatla çıxış edib. Büro rəisi bildirib ki, zəlzələ məlumatlarının emalında tətbiq edilən Antelope proqramı ən müasir emal proqramıdır və Azərbaycanda bu proqramın sonuncu 5.15 versiyası tətbiq edilir. Büro rəisi həmçinin öz çıxışında mərkəzin fəaliyyət istiqamətləri haqqında da ətraflı məlumat verib. Tələbələri maraqlandıran suallara aydınlıq gətirilib.
Qeyd edək ki, BDU tələbələrinin RSXM-dəki istehsalat təcrübəsi may ayının 28-dək davam edəcək.
